قازاقستاندىق «قايرات» جەنە «ايات» كلۋبتارى فۋتزالدان UEFA چەمپيوندار ليگاسى ەليتالىق كەزەڭٸنە جولداما الدى, دەپ حابارلايدى "ۇلت اقپارات".
«قايرات» جارىستىڭ نەگٸزگٸ كەزەڭٸندە تٶرتٸنشٸ توپتا سىنعا تٷستٸ. ولار العاشقى ەكٸ كەزدەسۋدە رەسەيدٸڭ كپرف كومانداسىنان 0:3, ودان كەيٸن يسپانييانىڭ «مۋرسييا» كلۋبىنان 2:3 ەسەبٸمەن جەڭٸلٸپ قالدى. جارىس ەرەجەسٸ بويىنشا ەربٸر توپتان العاشقى ٷش ورىنداعى كوماندالار تۋرنيردٸڭ كەلەسٸ ساتىسىنا جولداما الاتىن ەدٸ. نەتيجەسٸندە «قايرات» سوڭعى ويىندا بٷگٸن ۆەنگرييانىڭ «بەرەتتوۋيفال» كلۋبىن 3:0 ەسەبٸمەن تٸزە بٷكتٸردٸ. وسىلايشا جارىستى جالعاستىرۋعا مٷمكٸندٸك الدى.
UEFA چەمپيوندار ليگاسىندا بيىل تۇڭعىش رەت باق سىناعان رۋدنىيدىڭ «ايات» كلۋبى دا اتالمىش تۋرنيردٸڭ ەليتالىق كەزەڭٸندە ەل نامىسىن قورعايدى. «ايات» العاشقى كەزدەسۋٸندە ليتۆانىڭ «ۆيتيسٸنەن» 5:4 ەسەبٸمەن باسىم تٷسٸپ, ودان كەيٸن يسپانييانىڭ «بارسەلوناسىنان» 1:7 ەسەبٸمەن جەڭٸلدٸ. بٷگٸن ولار رەسەيدٸڭ «تيۋمەن» كومانداسىنا 3:8 ەسەبٸمەن جول بەردٸ. نەتيجەسٸندە ٷشٸنشٸ توپتا العاشقى ٷشتٸكتەن كٶرٸنٸپ, جارىستى جالعاستىرۋعا مٷمكٸندٸك الدى.
UEFA چەمپيوندار ليگاسى ەليتالىق كەزەڭٸ 19-24 قاراشا كٷندەرٸ ٶتكٸزٸلەدٸ. ال فينالدىق ساتىسى 2020 جىلدىڭ 23-26 سەۋٸر كٷندەرٸ بولادى دەپ كٷتٸلۋدە.
