Búgin fýtzaldan UEFA Chempiondar ligasy negizgi satysynda «Qairat» jáne «Atyraý» ekinshi oiyndaryn ótkizdi, dep habarlaidy QazAqparat.
«Qairat» Reseidiń «Tiýmen» komandasymen sheberlik baiqasty. Birinshi kezeńnen keiin qazaqstandyq klýb 1:3 esebimen jeńilip jatqan edi.
Ekinshi kezeńde olar tarazy basyn teńestirdi. Budan keiin komandalardyń esepti ózgertetin múmkindigi bolǵan edi. Degenmen qarsylastar 3:3 esebine qanaǵat bildirdi.
Taǵy bir oiynda «Atyraý» Portýgaliianyń «Sporting» klýbyna 1:8 esebimen jol berdi.
Aita ketsek, «Qairat» tórtinshi topta synǵa túsedi. Qarsylastary - Chehiianyń «Plzen», Reseidiń «Tiýmen» jáne Italiianyń «Pezaro» komandalary.
Al «Atyraý» ekinshi topta Sloveniianyń «Dobovets», Portýgaliianyń «Sporting» jáne Frantsiianyń «Aner Vilnev 92» komandalarmen baq synaidy.
Alǵashqy oiynda «Qairat» Chehiianyń «Plzen» komandasymen 3:3 esebimen teń tússe, «Atyraý» Sloveniianyń «Dobovetsine» 1:2 esebimen jol berdi.
Endi 30 qazanda «Qairat» Italiianyń «Pezaro», «Atyraý» Frantsiianyń «Aner Vilnev 92» komandasymen baq synaidy.
