Fýtzaldan Qazaqstan quramasy 2020 jylǵy Álem chempionatynyń irikteý satysyn jeńispen bastady, dep habarlaidy "Ult aqparat".
Qazaqstandyq fýtzalshylar besinshi topta synǵa túsip jatyr. Olar búgin Albaniia quramasymen sheberlik baiqasty. Elimiz fýtbolshylary senimdi oiyn kórsetip, qarsylastar qaqpasyna jaýapsyz tórt gol soqty.
Aldymen 6-minýtta qazaqstandyq Albert Aqbalyqov qarsylastar qaqpashysyn qapy qaldyryp ketken edi. Odan keiingi goldar kezdesýdiń ekinshi kezeńinde soǵyldy. Qazaqstandyqtar qatarynan Tainan 26-minýtta esepti ulǵaitsa, 31-minýtta Dýglas mergendik tanytty. Qorytyndy esepti 37-minýtta Dáýren Tursaǵulov belgiledi.
Osylaisha, Qazaqstan quramasy qarsylasyn 4:0 esebimen jeńip ketti.
Qazaqstandyqtar endi 24 qazanda Gollandiiamen, 26 qazanda Rýmyniiamen sheberlik baiqasady. Esterińizge sala ketelik, Álem chempionatynyń finaldyq kezeńi 2020 jyldyń 12 qyrkúiek - 4 qazany aralyǵynda Litvada ótedi. Onda barlyǵy 24 qurama synǵa túsedi.
Qazaqstan quramasy Álem chempionatynda 2000, 2016 jyldarda baq synady. 2016 jyly shirek finalǵa deiin jetken edi.
