فۋتزالدان قازاقستان قۇراماسى 2020 جىلعى ەلەم چەمپيوناتىنىڭ ٸرٸكتەۋ ساتىسىن جەڭٸسپەن باستادى, دەپ حابارلايدى "ۇلت اقپارات".
قازاقستاندىق فۋتزالشىلار بەسٸنشٸ توپتا سىنعا تٷسٸپ جاتىر. ولار بٷگٸن البانييا قۇراماسىمەن شەبەرلٸك بايقاستى. ەلٸمٸز فۋتبولشىلارى سەنٸمدٸ ويىن كٶرسەتٸپ, قارسىلاستار قاقپاسىنا جاۋاپسىز تٶرت گول سوقتى.
الدىمەن 6-مينۋتتا قازاقستاندىق البەرت اقبالىقوۆ قارسىلاستار قاقپاشىسىن قاپى قالدىرىپ كەتكەن ەدٸ. ودان كەيٸنگٸ گولدار كەزدەسۋدٸڭ ەكٸنشٸ كەزەڭٸندە سوعىلدى. قازاقستاندىقتار قاتارىنان تاينان 26-مينۋتتا ەسەپتٸ ۇلعايتسا, 31-مينۋتتا دۋگلاس مەرگەندٸك تانىتتى. قورىتىندى ەسەپتٸ 37-مينۋتتا دەۋرەن تۇرساعۇلوۆ بەلگٸلەدٸ.
وسىلايشا, قازاقستان قۇراماسى قارسىلاسىن 4:0 ەسەبٸمەن جەڭٸپ كەتتٸ.
قازاقستاندىقتار ەندٸ 24 قازاندا گوللاندييامەن, 26 قازاندا رۋمىنييامەن شەبەرلٸك بايقاسادى. ەستەرٸڭٸزگە سالا كەتەلٸك, ەلەم چەمپيوناتىنىڭ فينالدىق كەزەڭٸ 2020 جىلدىڭ 12 قىركٷيەك - 4 قازانى ارالىعىندا ليتۆادا ٶتەدٸ. وندا بارلىعى 24 قۇراما سىنعا تٷسەدٸ.
قازاقستان قۇراماسى ەلەم چەمپيوناتىندا 2000, 2016 جىلداردا باق سىنادى. 2016 جىلى شيرەك فينالعا دەيٸن جەتكەن ەدٸ.
