Fýtzaldan álem chempionaty 1/8 finalyna shyqqan quramalar tolyqtai anyqtaldy, dep habarlaidy QazAqparat.
Dúbirli dodanyń toptyq kezeńinde barlyǵy 24 qurama synǵa tústi. Árbir toptan birinshi jáne ekinshi orynǵa ie bolǵandary 1/8 finalǵa tikelei joldama aldy. Olardyń qataryna úshinshi oryndaǵy úzdik kórsetkishke ie bolǵan quramalar qosyldy.
Esterińizge sala ketelik, álem chempionatynda Qazaqstan A tobynda Kosta-Rikadan 6:1, Litvadan 3:0 esebimen basym boldy. Al Venesýelamen 1:1 esebimen teń tústip, birinshi oryn aldy. Endi olar 23 qyrkúiekte 1/8 finalda Tailand quramasymen sheberlik baiqasady.
1/8 finaldaǵy ózge juptar tómendegishe:
22 qyrkúiek. Resei - Vetnam (Vilniýs)
22 qyrkúiek. Venesýela - Marokko (Kaýnas)
23 qyrkúiek. Argentina - Paragvai (Vilniýs)
23 qyrkúiek. Braziliia - Japoniia (Kaýnas)
24 qyrkúiek Ózbekstan - Iran (Vilniýs)
24 qyrkúiek. Portýgaliia - Serbiia (Kaýnas)
24 qyrkúiek. Ispaniia - Chehiia (Vilniýs)
Qazaqstan quramasy budan buryn álem chempionaty finaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 finalǵa deiin jetti. Álem chempionatynyń finaly 3 qazanǵa belgilengen.
