Búgin fýtzaldan Qazaqstan quramasy Chehiiada álem chempionaty elitalyq kezeńinde alǵashqy oiynyn Rýmyniiaǵa qarsy ótkizedi, dep habarlaidy "Ult aqparat".
Qazaqstan quramasy 23-31 qańtar aralyǵynda Nur-Sultan qalasynda oqý-jattyǵý jiynyn ótkizdi. Daiyndyq aiaqtalǵannan keiin qurama 2020 jylǵy álem chempionaty elitalyq kezeńindegi oiyndardy ótkizý maqsatynda Chehiiaǵa attandy. Onda Rýmyniia, Sloveniia jáne Chehiiamen kúsh synasady. Jarystyń elitalyq satysy 2-5 aqpan aralyǵynda bolady.
Búgin Qazaqstan quramasy Rýmyniiamen alańǵa shyǵady. Eki qarsylas jarystyń negizgi irikteý kezeńinde kezdesti. Onda qazaqstandyq fýtzalshylar 4:2 esebimen jeńiske jetti.
Rýmyniia búgingi kúnge deiin álem chempionatynyń finaldyq kezeńinde oiyn kórsetip kórgen emes. Esesine Eýropa chempionatynda úsh márte baq synap úlgerdi. Alǵash 2007 jyly qurlyqtyq dodaǵa qatysqan olar toptyq kezeńnen árige asa alǵan joq. Odan keiin 2012, 2014 jyldarda shirek finalǵa deiin jetti. Ázirge qol jetkizgen joǵary tabysy retinde osyndai kórsetkishti aitýǵa bolady.
Qazaqstan quramasy 3 aqpanda Sloveniiamen sheberlik baiqasady. Olar álem chempionaty finaldyq kezeńinde birde-bir márte baq synap kórgen emes. Al Eýropa chempionatyna 4 márte qatysyp, 2014, 2018 jyldarda shirek finalǵa deiin jetti.
Al 5 aqpanda qazaqstandyq qurama Chehiiamen kezdesedi. Chehtar álem chempionaty finaldyq kezeńine úsh márte qatysyp, 2004 jyly jarystyń ekinshi kezeńinde baq synady. Al Eýropa chempionatynda 5 márte oinap, 2010 jyly qola júldeger atandy.
Qazaqstandyq fýtzalshylar búgingi kúnge deiin eki márte álem chempionaty finaldyq kezeńinde baq synap qaitty. 2000 jyly qurama Aziia chempionatynda finalǵa deiin jetti. Nátijesinde álem chempionaty finaldyq kezeńine joldama aldy. Degenmen ol joly qazaqstandyq oiynshylar sátsiz oiyn kórsetti. Toptyq kezeńde Braziliiadan 1:12, Portýgaliiadan 2:6, Gvatemaladan 5:6 esebimen jeńilip, elge erterek qaitýǵa májbúr boldy.
Odan keiin Qazaqstan fýtbol federatsiiasy ÝEFA quramyna engeni belgili. Kári qurlyqtan qazaqstandyq qurama 2016 jylǵy álem chempionatyna qatysýǵa joldama aldy. Álem chempionaty finaldyq kezeńinde Argentina, Kosta-Rika jáne Solomon araldary quramalarymen bir topqa tústi. Nátijesinde alǵashqy kezdesýde Argentinadan 0:1 esebimen jeńilgenimen kelesi oiyndarda Kosta-Rikadan 3:1, Solomon araldarynan 10:0 esebimen basym tústi.
Esterińizge sala ketelik, álem chempionatynyń finaldyq kezeńi 2020 jyldyń 12 qyrkúiek - 4 qazan aralyǵynda Litvada ótedi. Onda barlyǵy 24 qurama synǵa túsedi.
Árbir topta jeńimpaz atanǵan tórt qurama týrnirdiń finaldyq kezeńine tikelei joldama alady. Al óz tobynda ekinshi oryn alǵan tórt qurama qosymsha eki joldamany sarapqa salady.
Qazaqstan jáne Rýmyniia quramalary arasyndaǵy kezdesý elorda ýaqytymen 01.50-de bastalady. Oiyn Qazaqstan fýtbol federatsiiasynyń YouTube arnasynan kórsetiledi.
