بٷگٸن فۋتزالدان قازاقستان قۇراماسى چەحييادا ەلەم چەمپيوناتى ەليتالىق كەزەڭٸندە العاشقى ويىنىن رۋمىنيياعا قارسى ٶتكٸزەدٸ, دەپ حابارلايدى "ۇلت اقپارات".
قازاقستان قۇراماسى 23-31 قاڭتار ارالىعىندا نۇر-سۇلتان قالاسىندا وقۋ-جاتتىعۋ جيىنىن ٶتكٸزدٸ. دايىندىق اياقتالعاننان كەيٸن قۇراما 2020 جىلعى ەلەم چەمپيوناتى ەليتالىق كەزەڭٸندەگٸ ويىنداردى ٶتكٸزۋ ماقساتىندا چەحيياعا اتتاندى. وندا رۋمىنييا, سلوۆەنييا جەنە چەحييامەن كٷش سىناسادى. جارىستىڭ ەليتالىق ساتىسى 2-5 اقپان ارالىعىندا بولادى.
بٷگٸن قازاقستان قۇراماسى رۋمىنييامەن الاڭعا شىعادى. ەكٸ قارسىلاس جارىستىڭ نەگٸزگٸ ٸرٸكتەۋ كەزەڭٸندە كەزدەستٸ. وندا قازاقستاندىق فۋتزالشىلار 4:2 ەسەبٸمەن جەڭٸسكە جەتتٸ.
رۋمىنييا بٷگٸنگٸ كٷنگە دەيٸن ەلەم چەمپيوناتىنىڭ فينالدىق كەزەڭٸندە ويىن كٶرسەتٸپ كٶرگەن ەمەس. ەسەسٸنە ەۋروپا چەمپيوناتىندا ٷش مەرتە باق سىناپ ٷلگەردٸ. العاش 2007 جىلى قۇرلىقتىق دوداعا قاتىسقان ولار توپتىق كەزەڭنەن ەرٸگە اسا العان جوق. ودان كەيٸن 2012, 2014 جىلداردا شيرەك فينالعا دەيٸن جەتتٸ. ەزٸرگە قول جەتكٸزگەن جوعارى تابىسى رەتٸندە وسىنداي كٶرسەتكٸشتٸ ايتۋعا بولادى.
قازاقستان قۇراماسى 3 اقپاندا سلوۆەنييامەن شەبەرلٸك بايقاسادى. ولار ەلەم چەمپيوناتى فينالدىق كەزەڭٸندە بٸردە-بٸر مەرتە باق سىناپ كٶرگەن ەمەس. ال ەۋروپا چەمپيوناتىنا 4 مەرتە قاتىسىپ, 2014, 2018 جىلداردا شيرەك فينالعا دەيٸن جەتتٸ.
ال 5 اقپاندا قازاقستاندىق قۇراما چەحييامەن كەزدەسەدٸ. چەحتار ەلەم چەمپيوناتى فينالدىق كەزەڭٸنە ٷش مەرتە قاتىسىپ, 2004 جىلى جارىستىڭ ەكٸنشٸ كەزەڭٸندە باق سىنادى. ال ەۋروپا چەمپيوناتىندا 5 مەرتە ويناپ, 2010 جىلى قولا جٷلدەگەر اتاندى.
قازاقستاندىق فۋتزالشىلار بٷگٸنگٸ كٷنگە دەيٸن ەكٸ مەرتە ەلەم چەمپيوناتى فينالدىق كەزەڭٸندە باق سىناپ قايتتى. 2000 جىلى قۇراما ازييا چەمپيوناتىندا فينالعا دەيٸن جەتتٸ. نەتيجەسٸندە ەلەم چەمپيوناتى فينالدىق كەزەڭٸنە جولداما الدى. دەگەنمەن ول جولى قازاقستاندىق ويىنشىلار سەتسٸز ويىن كٶرسەتتٸ. توپتىق كەزەڭدە برازيلييادان 1:12, پورتۋگالييادان 2:6, گۆاتەمالادان 5:6 ەسەبٸمەن جەڭٸلٸپ, ەلگە ەرتەرەك قايتۋعا مەجبٷر بولدى.
ودان كەيٸن قازاقستان فۋتبول فەدەراتسيياسى ۋەفا قۇرامىنا ەنگەنٸ بەلگٸلٸ. كەرٸ قۇرلىقتان قازاقستاندىق قۇراما 2016 جىلعى ەلەم چەمپيوناتىنا قاتىسۋعا جولداما الدى. ەلەم چەمپيوناتى فينالدىق كەزەڭٸندە ارگەنتينا, كوستا-ريكا جەنە سولومون ارالدارى قۇرامالارىمەن بٸر توپقا تٷستٸ. نەتيجەسٸندە العاشقى كەزدەسۋدە ارگەنتينادان 0:1 ەسەبٸمەن جەڭٸلگەنٸمەن كەلەسٸ ويىنداردا كوستا-ريكادان 3:1, سولومون ارالدارىنان 10:0 ەسەبٸمەن باسىم تٷستٸ.
ەستەرٸڭٸزگە سالا كەتەلٸك, ەلەم چەمپيوناتىنىڭ فينالدىق كەزەڭٸ 2020 جىلدىڭ 12 قىركٷيەك - 4 قازان ارالىعىندا ليتۆادا ٶتەدٸ. وندا بارلىعى 24 قۇراما سىنعا تٷسەدٸ.
ەربٸر توپتا جەڭٸمپاز اتانعان تٶرت قۇراما تۋرنيردٸڭ فينالدىق كەزەڭٸنە تٸكەلەي جولداما الادى. ال ٶز توبىندا ەكٸنشٸ ورىن العان تٶرت قۇراما قوسىمشا ەكٸ جولدامانى ساراپقا سالادى.
قازاقستان جەنە رۋمىنييا قۇرامالارى اراسىنداعى كەزدەسۋ ەلوردا ۋاقىتىمەن 01.50-دە باستالادى. ويىن قازاقستان فۋتبول فەدەراتسيياسىنىڭ YouTube ارناسىنان كٶرسەتٸلەدٸ.
