Fýtzaldan Qazaqstan quramasynyń 2022 jylǵy Eýropa chempionatyna finaldyq kezeńine eki týr buryn joldama aldy. Qazaqstandyqtar toptyq irikteý kezeńinde búgin, 6 cáýirde cyrt alańda Vengriiadan basym tústi, dep habarlaidy "Ult aqparat".
Esterińizge sala ketelik, qazaqstandyq fýtzalshylar besinshi topqa tústi. Qarsylastary - Vengriia, Belarýs jáne Izrail quramalary.
Búgingi oiynda qazaqstandyq fýtzalshylar qarsylastar qaqpasyna alty gol saldy. Ony Shyńǵys Esenamanov 5, Azat Valiýllin 9, Tainan 10, Dýglas Jýnior 23, Albert Aqbalyqov 33-minýttarda óziniń enshisine jazdy. Al 14-minýtta vengriialyq Imre Nod óziniń qaqpasyna gol soǵyp aldy. Oǵan alań ieleri bir golmen jaýap qaiyrdy. Osylaisha Qazaqstan quramasy qarsylasynan 6:1 esebimen basym tústi.
Aita keteiik, buǵan deiin qazaqstandyq fýtzalshylar úsh oiyn ótkizdi. Onyń barlyǵynda jeńiske jetti. Aldymen elordada búgingi qarsylasy - Vengriiany 5:0 esebimen tize búktirse, odan keiin Belarýsten 5:2 esebimen basym tústi. Úshinshi oiynda syrt alańda Belarýsti 5:1 esebimen súrindirdi.
Búgin atalǵan topta Belarýs quramasy óz alańynda Izraildi 14:0 esebimen tize búktirdi.
Endi qazaqstandyq fýtzalshylar 9 jáne 11 sáýir kúnderi Izrail quramasymen eki kezdesý ótkizedi. Koronavirýs infektsiiasynyń aldyn alý sharalaryna orai eki oiyn da elordada ótedi.
Aita ketelik, qazaqstandyq fýtzalshylar budan buryn Eýropa chempionaty finaldyq kezeńinde eki márte baq synady. 2016, 2018 jyldarda qola júlde aldy. Eýropa chempionatynyń finaldyq satysy 2022 jyldyń 19 qańtar jáne 6 aqpan aralyǵynda Niderlandynyń Amsterdam jáne Groningen qalalarynda ótkiziledi.
