Fýtzaldan Chempiondar ligasynyń 1/16 finalyna qatysatyn qazaqstandyq klýbtar oiyndaryn syrt alańda ótkizedi, dep habarlaidy "Ult aqparat" KazFootball.kz portalyna silteme jasap.
Chempiondar ligasynyń 1/16 finalynyń qatysýshylaryna matchty óz alańynda qabyldaǵysy kelmeitini nemese ondai múmkindiktiń joqtyǵy týraly ÝEFA-ǵa habarlaý usynylǵan. Nátijesinde 32 qatysýshynyń 5-eýi: «Qairat», «Aqtóbe» (ekeýi de Qazaqstan), «Dobovets» (Sloveniia), «Prishtina» (Kosovo) jáne «Hovokýbo» (Niderlandy) komandalary oiyndaryn syrt alańda ótkizetin boldy.
Kezdesýler kórermensiz ótedi.
Eske sala ketsek, «Qairat» pen «Aqtóbe» jerebe tastaý kezinde 3-toptaǵy irikteýden ótkizilgen komandalardyń qataryna jatqyzyldy. Qazaqstandyqtardyń negizgi qarsylastary - «VitEn» (Belarýs), «Hoenshtain-Ernsttal» (Germaniia), «Shkýpi» (Makedoniia) jáne AEK (Gretsiia).
Chempiondar ligasy 1/16 finalynyń oiyndary 2021 jyldyń 12-17 qańtary aralyǵynda ótedi jáne bir ǵana oiynnan turady.
