Elimizdiń 21 jasqa deiingi jastar quramasy 24 naýryzda Qyrǵyzstanmen joldastyq kezdesý ótkizedi, dep habarlaidy QazAqparat.
Oiyn Talǵardaǵy ulttyq quramanyń bazasynda ótkiziledi dep josparlanyp otyr.
Aita ketsek, jastar quramasy 2023 jylǵy Eýropa chempionatynyń irikteý týrnirinde kezekti oiynyna daiyndyqty 18 naýryz kúni bastaidy.
Talǵarda oqý-jattyǵý jiyny ótkiziledi.
Qairat Nurdáýletov jetekshilik jasaityn qurama Qyrǵyzstan olimpiadalyq quramasymen joldastyq match ótkizýdi josparlap otyr.
Kezdesýdiń bastalýy elorda ýaqytymen 17:00-ge belgilengen. Eki jaqtyń kelisimi boiynsha oiynnan tikelei kórsetilim bolmaidy.
Aita keteiik, Qazaqstan Eýropa chempionatynyń irikteý týrnirinde Shotlandiiamen kezdesedi.
Bul resmi oiyn 29 naýryzda Almaty qalasyndaǵy ortalyq stadionda ótedi.
Ótken jyldyń 12 qarashasynda ótken alǵashqy kezdesýde Shotlandiia jastary qazaqstandyq fýtbolshylardan 2:1 esebimen basym tústi.
Eske salsaq, irikteý týrnirinde Qazaqstan jastar quramasy I tobynda synǵa túsedi. Qarsylastary - Belgiia, Daniia, Shotlandiia jáne Túrkiia.
