Búgin fýtboldan Premer-liga komandalary arasyndaǵy Qazaqstan chempionatynyń segizinshi týrynda sońǵy eki oiyn ótti, dep habarlaidy "Ult aqparat".
Aldymen, Qostanaidyń «Tobyl» jáne Petropavldyń «Qyzyljar» komandasy kezdesti. Oiyn barysynda qostanailyq klýb sapynan Dmitrii Miroshnichenko - 35, Azat Nurǵaliev 49-minýttarda gol soqty. Oiynda «Tobyl» 2:0 esebimen jeńiske jetti.
Sońǵy kezdesýde Almatynyń «Qairaty» men Qyzylordanyń «Qaisar» komandalary jasyl alańǵa shyqty. Kósh basynda kele jatqan eki komanda arasyndaǵy tartys qyzyqty órbidi. Birinshi kezeńniń 44-minýtynda «Qaisar» sapynan Elgýdja Lobjanidze gol soǵyp ketti. Oǵan 71-minýtta almatylyq Aibol Ábiken bir golmen jaýap qaiyrdy. Al 90-minýtta Aderinsola Eseola jeńis golyn soǵyp ketti. Osylaisha «Qairat» 2:1 esebimen jeńiske jetti. Bul - almatylyq klýbtyń biylǵy dop dodasyndaǵy jetinshi jeńisi. Aita keteiik, eki komanda da 17 qyrkúiekte Eýropa ligasynda elimizdiń namysyn qorǵaidy.
