Fýtboldan Qazaqstan kýbogynyń jartylai finalyna joldama alǵan sońǵy komanda anyqtaldy, dep habarlaidy QazAqparat.
Qyzylordada jergilikti «Qaisar» Shymkenttiń «Ordabasy» klýbyn qabyldady. Oiynnyń negizgi jáne qosymsha kezeńinde 1:1 esebi tirkeldi. Alaida, penaltide shymkenttik klýbtyń joly boldy.
Buǵan deiin habarlaǵanymyzdai, elordada «Astana» Túrkistan oblysynyń «Maqtaaralyn» 1:0 esebimen jeńdi.
Sondai-aq «Taraz» ben «Shahter» negizgi jáne qosymsha kezeńde 1:1 esebimen teń túsip, penaltide tarazdyq klýb múlt ketken joq.
Taǵy bir kezdesýde almatylyq «Qairat» óz alańynda «Aqjaiyqqa» 1:2 esebimen jol berdi.
Endi 19 qazanda jartylai finalda «Astana» men «Ordabasy», «Aqjaiyq» pen «Taraz» kezdesedi.
Eske salaiyq, Qazaqstan kýbogy 1992 jyldan beri turaqty túrde ótkizilip keledi. Búginge deiin atalǵan kýbokty «Qairat» 10 márte tóbesine kóterdi.
Sondai-aq «Jeńis» - 3, «Astana» - 3, «Qaisar» - 2, «Atyraý», «Ertis», «Taraz», «Shahter», «Vostok», «Tobyl», «Aqtóbe», «Almaty», «Ordabasy», «Dostyq», «Spartak» (Semei) bir márteden jeńimpaz atandy.
