Fýtboldan Qazaqstan kýbogynyń toptyq kezeńi úshinshi týrynyń alǵashqy oiyn kúni ótti, dep habarlaidy QazAqparat.
Bul kúngi birinshi kezdesýde «Atyraý» óz alańynda Shymkenttiń «Ordabasy»komandasyn qabyldady.
Oiyn barysynda shymkenttik klýb jinaqy qimyl kórsetti. Nátijesinde qarsylastar qaqpasyna tórt gol soǵyp ketti. Oǵan atyraýlyq fýtbolshylar bir golmen jaýap qaiyrdy.
Osylaisha «Atyraý» qarsylasyna 1:4 esebimen jol berdi.
Taǵy bir kezdesýde «Taraz» ben «Aqtóbe» komandalary 0:0 esebine qanaǵat bildirdi.
Endi atalǵan týrda 23 shildede «Kaspii» (Aqtaý) men «Qaisar» (Qyzylorda) komandalary kezdesedi.
Al 24 shildede «Turan» (Túrkistan) men «Astana» (Nur-Sultan), «Aqjaiyq» (Oral) pen «Qyzyljar» (Petropavl), «Jetisý» (Taldyqorǵan) men «Shahter» (Qaraǵandy), «Tobyl» (Qostanai) men «Maqtaaral» (Túrkistan oblysy), «Qairat» (Almaty) pen «Aqsý» (Pavlodar oblysy) komandalary oinaidy.
