فۋتبولدان قازاقستان كۋبوگىنىڭ توپتىق كەزەڭٸ ٷشٸنشٸ تۋرىنىڭ العاشقى ويىن كٷنٸ ٶتتٸ, دەپ حابارلايدى قازاقپارات.
بۇل كٷنگٸ بٸرٸنشٸ كەزدەسۋدە «اتىراۋ» ٶز الاڭىندا شىمكەنتتٸڭ «ورداباسى»كومانداسىن قابىلدادى.
ويىن بارىسىندا شىمكەنتتٸك كلۋب جيناقى قيمىل كٶرسەتتٸ. نەتيجەسٸندە قارسىلاستار قاقپاسىنا تٶرت گول سوعىپ كەتتٸ. وعان اتىراۋلىق فۋتبولشىلار بٸر گولمەن جاۋاپ قايىردى.
وسىلايشا «اتىراۋ» قارسىلاسىنا 1:4 ەسەبٸمەن جول بەردٸ.
تاعى بٸر كەزدەسۋدە «تاراز» بەن «اقتٶبە» كوماندالارى 0:0 ەسەبٸنە قاناعات بٸلدٸردٸ.
ەندٸ اتالعان تۋردا 23 شٸلدەدە «كاسپيي» (اقتاۋ) مەن «قايسار» (قىزىلوردا) كوماندالارى كەزدەسەدٸ.
ال 24 شٸلدەدە «تۇران» (تٷركٸستان) مەن «استانا» (نۇر-سۇلتان), «اقجايىق» (ورال) پەن «قىزىلجار» (پەتروپاۆل), «جەتٸسۋ» (تالدىقورعان) مەن «شاحتەر» (قاراعاندى), «توبىل» (قوستاناي) مەن «ماقتاارال» (تٷركٸستان وبلىسى), «قايرات» (الماتى) پەن «اقسۋ» (پاۆلودار وبلىسى) كوماندالارى وينايدى.
