Fýtboldan Qazaqstan kýbogy jartylai finalyna joldama alǵan barlyq komanda anyqtaldy, dep habarlaidy QazAqparat.
Shirek finaldaǵy sońǵy oiynda Qyzylordada «Qaisar» men Almatynyń «Qairaty» kezdesti. Oiyn barysynda almatylyq klýbtan Vagner Lav - 76, Artýr Shýshenachev 88-minýttarda mergendik tanytty. Osylaisha «Qairat» qarsylasynan 2:0 esebimen basym túsip, jartylai finalǵa joldama aldy. Alǵashqy oiynda almatylyqtar 3:0 esebimen basym túsken bolatyn.
Sondai-aq, búgin Qaraǵandynyń «Shahteri» óz alańynda «Tarazdy» 3:1 esebimen tize búktirdi. Alǵashqy kezdesýde komandalar 0:0 esebine qanaǵat bildirgen edi.
Eske salsaq, budan buryn shirek finalda «Astana» (Nur-Sultan) «Kaspii» (Aqtaý) komandasyn (3:3, 1:0), «Tobyl» (Qostanai) «Qyzyljar» (Petropavl) klýbyn (1:0, 1:0) esebimen jeńip, jartylai finalǵa joldama alǵan edi.
Endi jartylai finalda «Astana» men «Qairat», «Tobyl» men «Shahter» kezdesedi. Komandalar 1/2 final oiyndaryn 6 jáne 20 qarasha kúnderi ótkizedi.
Final 28 qarashaǵa belgilengen.
