Búgin fýtboldan Qazaqstan kýbogy toptyq kezeńi ekinshi týrynyń alǵashqy oiyn kúni aiaqtaldy, dep habarlaidy "Ult aqparat".
Birinshi kezdesýde «Astana» (Nur-Sultan) men «Aqtóbe» komandalary kezdesti. Aldymen 13-minýtta elordalyq klýb sapynan Marin Tomasov esep ashsa, aqtóbelikter sapynan 45-minýtta Oleg Chernyshov tarazy basyn teńestirdi. Al aqtóbelik Ádilhan Tańjaryqov óziniń qaqpasyna gol soǵyp aldy. «Astana» sapyna Tigran Barsegian 71-minýtta esepti ulǵaitsa, 81-minýtta aqtóbelik Iýrii Logvinenko qorytyndy esepti belgiledi. Osylaisha elordalyq klýb qarsylasynan 3:2 esebimen basym tústi.
Dál osyndai eseppen Qaraǵandynyń «Shahteri» óz alańynda Petropavldyń «Qyzyljaryn» tize búktirdi. Aldymen petropavldyq klýb sapynan Iýrii Býshman 49, Semir Smailagich 66-minýttarda mergendik tanytty. Odan keiin qaraǵandylyq klýbtan Aidos Táttibaev 75, 85-minýttarda qaqpany dál kózdese, David Atanaskoski 89-minýtta jeńis golynyń avtory atandy.
Al Qostanaidyń «Tobyly» óz alańynda «Atyraýdy» 2:0 esebimen tize búktirdi. Oiyn barysynda Toni Silva 42, Zoran Toshich 90-minýtarda soqqan goly «Tobylǵa» jeńis alyp keldi.
Endi 17 shildede «Maqtaaral» (Túrkistan oblysy) men «Taraz», «Aqjaiyq» (Oral) pen «Qaisar» (Qyzylorda), «Qairat» (Almaty) pen «Kaspii» (Aqtaý) jasyl alańǵa shyady.
Vl 18 shildede №8 BJMORSM (Nur-Sultan) men «Ordabasy» (Shymkent), «Turan» (Túrkistan) men «Jetisý» (Taldyqorǵan) ekinshi týrdy túiindeidi.
Aita ketsek, biyl atalǵan doda jańa talaptar boiynsha oinalady.
Toptyq kezeńde Premer-liganyń 14 komandasy men irikteý kezeńinen irkilmei ótken birinshi liganyń eki klýby tórt topqa bólingen.
