بٷگٸن فۋتبولدان قازاقستان كۋبوگى توپتىق كەزەڭٸ ەكٸنشٸ تۋرىنىڭ العاشقى ويىن كٷنٸ اياقتالدى, دەپ حابارلايدى "ۇلت اقپارات".
بٸرٸنشٸ كەزدەسۋدە «استانا» (نۇر-سۇلتان) مەن «اقتٶبە» كوماندالارى كەزدەستٸ. الدىمەن 13-مينۋتتا ەلوردالىق كلۋب ساپىنان مارين توماسوۆ ەسەپ اشسا, اقتٶبەلٸكتەر ساپىنان 45-مينۋتتا ولەگ چەرنىشوۆ تارازى باسىن تەڭەستٸردٸ. ال اقتٶبەلٸك ەدٸلحان تاڭجارىقوۆ ٶزٸنٸڭ قاقپاسىنا گول سوعىپ الدى. «استانا» ساپىنا تيگران بارسەگيان 71-مينۋتتا ەسەپتٸ ۇلعايتسا, 81-مينۋتتا اقتٶبەلٸك يۋريي لوگۆينەنكو قورىتىندى ەسەپتٸ بەلگٸلەدٸ. وسىلايشا ەلوردالىق كلۋب قارسىلاسىنان 3:2 ەسەبٸمەن باسىم تٷستٸ.
دەل وسىنداي ەسەپپەن قاراعاندىنىڭ «شاحتەرٸ» ٶز الاڭىندا پەتروپاۆلدىڭ «قىزىلجارىن» تٸزە بٷكتٸردٸ. الدىمەن پەتروپاۆلدىق كلۋب ساپىنان يۋريي بۋشمان 49, سەمير سمايلاگيچ 66-مينۋتتاردا مەرگەندٸك تانىتتى. ودان كەيٸن قاراعاندىلىق كلۋبتان ايدوس تەتتٸباەۆ 75, 85-مينۋتتاردا قاقپانى دەل كٶزدەسە, داۆيد اتاناسكوسكي 89-مينۋتتا جەڭٸس گولىنىڭ اۆتورى اتاندى.
ال قوستانايدىڭ «توبىلى» ٶز الاڭىندا «اتىراۋدى» 2:0 ەسەبٸمەن تٸزە بٷكتٸردٸ. ويىن بارىسىندا توني سيلۆا 42, زوران توشيچ 90-مينۋتاردا سوققان گولى «توبىلعا» جەڭٸس الىپ كەلدٸ.
ەندٸ 17 شٸلدەدە «ماقتاارال» (تٷركٸستان وبلىسى) مەن «تاراز», «اقجايىق» (ورال) پەن «قايسار» (قىزىلوردا), «قايرات» (الماتى) پەن «كاسپيي» (اقتاۋ) جاسىل الاڭعا شىادى.
ۆل 18 شٸلدەدە №8 بجمورسم (نۇر-سۇلتان) مەن «ورداباسى» (شىمكەنت), «تۇران» (تٷركٸستان) مەن «جەتٸسۋ» (تالدىقورعان) ەكٸنشٸ تۋردى تٷيٸندەيدٸ.
ايتا كەتسەك, بيىل اتالعان دودا جاڭا تالاپتار بويىنشا وينالادى.
توپتىق كەزەڭدە پرەمەر-ليگانىڭ 14 كومانداسى مەن ٸرٸكتەۋ كەزەڭٸنەن ٸركٸلمەي ٶتكەن بٸرٸنشٸ ليگانىڭ ەكٸ كلۋبى تٶرت توپقا بٶلٸنگەن.
