Búgin fýtboldan Qazaqstan kýbogy toptyq kezeńi bastaldy, dep habarlaidy "Ult aqparat".
Alǵashqy oiyn kúninde tórt kezdesý ótkizildi. Jankúierler aldymen «Astana», «Qairat» jáne «Tobyl» komandalarynyń kezdesýlerine kóz tikkeni ras.
Almatylyq «Qairat» syrt alańda Taldyqorǵannyń «Jetisýyn» 1:0 esebimen tize búktirdi. Bul oiynda almatylyq Andrei Ýlshin 10-minýtta mergendigimen kózge tústi. Aita keterligi, almatylyq ujymda negizinen jastar oiyn kórsetti.
«Astana» da búgin jastarǵa úmit artty. Elordalyq klýb soǵan qaramastan Qyzylordada jergilikti «Qaisarmen» 0:0 esebimen teń oinady.
Al «Tobyl» syrt alańda «Tarazdyń» 1:3 esebimen osal tusyn tapty. Kezdesý barysynda qostanailyq klýbtan Zoran Toshich 5, 33, Ashat Taǵybergen 90-minýtta gol soqsa, oǵan alań ielerinen Berik Aitbaev 14-minýtta jalǵyz golmen jaýap qaiyrdy.
Al «Qyzyljar» men SDIýSShOR №8 (Nur-Sultan) klýbtary kezdesýinde 1:1 esebi tirkeldi. Aldymen elordalyq klýbtan Narbi Merǵazy 61-minýtta esep ashsa, 79-minýtta petropavldyq Ońlasyn Sáken tarazy basyn teńestirip ketti.
Endi 11 shildede «Aqtóbe» men «Akjaiyq», «Kaspii» men «Turan», «Atyraý» men «Maqtaral», «Ordabasy» men «Shahter» kezdesedi.
Aita ketsek, biyl atalǵan doda jańasha talaptar boiynsha oinalady. Toptyq kezeńde Premer-liganyń 14 komandasy men irikteý kezeńinen irkilmei ótken birinshi liganyń eki klýby tórt topqa bólingen.
