بٷگٸن فۋتبولدان قازاقستان كۋبوگى توپتىق كەزەڭٸ باستالدى, دەپ حابارلايدى "ۇلت اقپارات".
العاشقى ويىن كٷنٸندە تٶرت كەزدەسۋ ٶتكٸزٸلدٸ. جانكٷيەرلەر الدىمەن «استانا», «قايرات» جەنە «توبىل» كوماندالارىنىڭ كەزدەسۋلەرٸنە كٶز تٸككەنٸ راس.
الماتىلىق «قايرات» سىرت الاڭدا تالدىقورعاننىڭ «جەتٸسۋىن» 1:0 ەسەبٸمەن تٸزە بٷكتٸردٸ. بۇل ويىندا الماتىلىق اندرەي ۋلشين 10-مينۋتتا مەرگەندٸگٸمەن كٶزگە تٷستٸ. ايتا كەتەرلٸگٸ, الماتىلىق ۇجىمدا نەگٸزٸنەن جاستار ويىن كٶرسەتتٸ.
«استانا» دا بٷگٸن جاستارعا ٷمٸت ارتتى. ەلوردالىق كلۋب سوعان قاراماستان قىزىلوردادا جەرگٸلٸكتٸ «قايسارمەن» 0:0 ەسەبٸمەن تەڭ وينادى.
ال «توبىل» سىرت الاڭدا «تارازدىڭ» 1:3 ەسەبٸمەن وسال تۇسىن تاپتى. كەزدەسۋ بارىسىندا قوستانايلىق كلۋبتان زوران توشيچ 5, 33, اسحات تاعىبەرگەن 90-مينۋتتا گول سوقسا, وعان الاڭ يەلەرٸنەن بەرٸك ايتباەۆ 14-مينۋتتا جالعىز گولمەن جاۋاپ قايىردى.
ال «قىزىلجار» مەن سديۋسشور №8 (نۇر-سۇلتان) كلۋبتارى كەزدەسۋٸندە 1:1 ەسەبٸ تٸركەلدٸ. الدىمەن ەلوردالىق كلۋبتان ناربي مەرعازى 61-مينۋتتا ەسەپ اشسا, 79-مينۋتتا پەتروپاۆلدىق وڭلاسىن سەكەن تارازى باسىن تەڭەستٸرٸپ كەتتٸ.
ەندٸ 11 شٸلدەدە «اقتٶبە» مەن «اكجايىق», «كاسپيي» مەن «تۇران», «اتىراۋ» مەن «ماقتارال», «ورداباسى» مەن «شاحتەر» كەزدەسەدٸ.
ايتا كەتسەك, بيىل اتالعان دودا جاڭاشا تالاپتار بويىنشا وينالادى. توپتىق كەزەڭدە پرەمەر-ليگانىڭ 14 كومانداسى مەن ٸرٸكتەۋ كەزەڭٸنەن ٸركٸلمەي ٶتكەن بٸرٸنشٸ ليگانىڭ ەكٸ كلۋبى تٶرت توپقا بٶلٸنگەن.
