Fýtboldan Qazaqstan kýbogynyń alǵashqy eki kezeńiniń jerebesi tartyldy, dep habarlaidy "Ult aqparat".
Aita keteiik, atalǵan týrnirdiń alǵashqy kezeńderine birinshi jáne ekinshi liganyń 14 fýtbol klýby qatysady.
Jerebe boiynsha birinshi irikteý kezeńinde «Igilik» (Jambyl oblysy) - SDIýSShOR № 8 (Nur-Sultan), «Ekibastuz» (Pavlodar oblysy) - «Aqsý» (Pavlodar oblysy) , «SD Family» (Nur-Sultan) - «Qyran» (Shymkent), «Jas Qyran» (Shymkent) - «Maqtaaral» (Túrkistan oblysy), «Oqjetpes» (Kókshetaý) - «Jeńis» (Nur-Cultan) komandalary kezdesedi.
Ekinshi irikteý kezeńinde «Rýzaevka»-«Iassy-Túrkistan» jubynyń jeńimpazy «Ońtústik akademiiasy» (Shymkent), «Igilik»-SDIýSShOR № 8 jubynyń jeńimpazy «Altai» (Shyǵys Qazaqstan oblysy) klýbtarymen sheberlik baiqasady. Al «Ekibastuz»-«Aqsý» jubynyń jeńimpazy «SD Family»-«Kyran», «Jas Qyran»-«Maqtaaral» jubynyń jeńimpazy –«Oqjetpes»-«Jeńis» juptarynyń jeńimpazymen oinaidy.
Alǵashqy eki kezeńde jeńimpaz bir oiyn qorytyndysy boiynsha anyqtalady. Kezdesýler jupta birinshi kórsetilgen komandalardyń alańynda ótedi.
Alǵashqy kezeńniń barlyq oiyny 22 sáýirde bolady. Al ekinshi kezeńniń oiyndary 1 mamyrǵa josparlanǵan.
