Fýtboldan Premer-liga komandalary arasyndaǵy el birinshiligi máresine jetti, dep habarlaidy QazAqparat.
Biylǵy dop dodasynda bas júlde Qostanaidyń «Tobyl» komandasyna buiyrdy. Qostanailyq klýb sońǵy týrda Oralda «Aqjaiyqty» 2:0 esebimen tize búktirdi.
Chempiondyqtan taǵy bir úmitker - elordanyń «Astanasy» óz alańynda Túrkistannyń «Turanymen» 1:1 esebine qanaǵat bildirdi.
Al úzdik úshtikti túiindegen Almatynyń «Qairaty» syrt alańda Taldyqorǵannyń «Jetisýymen» 0:0 esebimen teń tústi.
Tórtinshi oryn úshin talasta Petropavldyń «Qyzyljary» Shymkenttiń «Ordabasy» klýbyn 3:2 esebimen súrindirdi.
Nátijesinde tórtinshi oryn petropavldyq komandaǵa buiyrdy.
Sondai-aq, búgin syrt alańda Qyzylordanyń «Qaisary» «Tarazdy» 2:1, Aqtaýdyń «Kaspiii» «Aqtóbeni» 5:1 esebimen tize búktirdi.
Al Qaraǵandyda «Shahter» «Atyraýdy» 3:1 esebimen jeńdi.
Endi Qazaqstan kýbogy jartylai final oiyndary ótedi. Jarystyń atalǵan satysynda «Astana» men «Qairat», «Tobyl» men «Shahter» kezdesedi.
Komandalar 1/2 final oiyndaryn 6 jáne 20 qarasha kúnderi ótkizedi.
Final 28 qarashaǵa belgilengen.
