Búgin, 28 sáýirde fýtboldan Premer-liga komandalary arasyndaǵy el birinshiliginiń cegizinshi týrynyń alǵashqy oiyn kúni aiaqtaldy, dep habarlaidy "Ult aqparat".
Alǵashqy oiynda «Tobyl» syrt alańda «Kaspiiden» 1:2 esebimen jeńilip qaldy.
Al odan keiin «Astana» óz alańynda «Aqjaiyqtan» 1:0 esebimen basym tústi.
Úshinshi kezdesýde «Taraz» «Aqtóbeni» súrindirdi. Oiyn barysynda tarazdyqtar sapynan Baýyrjan Baitana 11-minýtta esep ashsa, 16-minýtta onyń komandalas áriptesi Pedro Eýjenio penaltiden esepti ústemelei tústi. Al 55-minýtta Dinmuhamed Qaraman mergendik tanytty. Al 76-minýtta aqtóbelik fýtbolshy Igor Sergeev esep aiyrmasyn qysqartty. Kezdesý barysynda «Taraz» qarsylasynan 3:1 esebimen basym tústi.
Taǵy bir oiynda Túrkistanda «Turan» «Atyraýdan» 1:2 esebimen jeńilip qaldy. Kezdeseýde «Atyraý» sapynan Dmitrii Gýz 2-minýtta esep ashsa, alań ielerinen Oljas Kerimjanov 46-minýtta tarazy basyn teńestirdi. Kezdesý taǵdyryn 78-minýtta atyraýlyq fýtbolshy Jian Martins penalti sheshti.
Segizinshi týrdaǵy alǵashqy oiyn kúninen keiin «Astana» 20 upaimen kósh basynda tur. Odan keiingi oryndardaǵy «Tarazdyń» 17, «Tobyldyń» 15 upaiy bar.
Al 29 sáýirde «Jetisý» (Taldyqorǵan) men «Shahter» (Qaraǵandy), «Qairat» (Almaty) pen «Ordabasy» (Shymkent), «Qaisar» (Qyzylorda) men «Qyzyljar» (Petropavl) komandalary sheberlik baiqasady.
