بٷگٸن, 28 سەۋٸردە فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ cەگٸزٸنشٸ تۋرىنىڭ العاشقى ويىن كٷنٸ اياقتالدى, دەپ حابارلايدى "ۇلت اقپارات".
العاشقى ويىندا «توبىل» سىرت الاڭدا «كاسپييدەن» 1:2 ەسەبٸمەن جەڭٸلٸپ قالدى.
ال ودان كەيٸن «استانا» ٶز الاڭىندا «اقجايىقتان» 1:0 ەسەبٸمەن باسىم تٷستٸ.
ٷشٸنشٸ كەزدەسۋدە «تاراز» «اقتٶبەنٸ» سٷرٸندٸردٸ. ويىن بارىسىندا تارازدىقتار ساپىنان باۋىرجان بايتانا 11-مينۋتتا ەسەپ اشسا, 16-مينۋتتا ونىڭ كوماندالاس ەرٸپتەسٸ پەدرو ەۋجەنيو پەنالتيدەن ەسەپتٸ ٷستەمەلەي تٷستٸ. ال 55-مينۋتتا دٸنمۇحامەد قارامان مەرگەندٸك تانىتتى. ال 76-مينۋتتا اقتٶبەلٸك فۋتبولشى يگور سەرگەەۆ ەسەپ ايىرماسىن قىسقارتتى. كەزدەسۋ بارىسىندا «تاراز» قارسىلاسىنان 3:1 ەسەبٸمەن باسىم تٷستٸ.
تاعى بٸر ويىندا تٷركٸستاندا «تۇران» «اتىراۋدان» 1:2 ەسەبٸمەن جەڭٸلٸپ قالدى. كەزدەسەۋدە «اتىراۋ» ساپىنان دميتريي گۋز 2-مينۋتتا ەسەپ اشسا, الاڭ يەلەرٸنەن ولجاس كەرٸمجانوۆ 46-مينۋتتا تارازى باسىن تەڭەستٸردٸ. كەزدەسۋ تاعدىرىن 78-مينۋتتا اتىراۋلىق فۋتبولشى جيان مارتينس پەنالتي شەشتٸ.
سەگٸزٸنشٸ تۋرداعى العاشقى ويىن كٷنٸنەن كەيٸن «استانا» 20 ۇپايمەن كٶش باسىندا تۇر. ودان كەيٸنگٸ ورىندارداعى «تارازدىڭ» 17, «توبىلدىڭ» 15 ۇپايى بار.
ال 29 سەۋٸردە «جەتٸسۋ» (تالدىقورعان) مەن «شاحتەر» (قاراعاندى), «قايرات» (الماتى) پەن «ورداباسى» (شىمكەنت), «قايسار» (قىزىلوردا) مەن «قىزىلجار» (پەتروپاۆل) كوماندالارى شەبەرلٸك بايقاسادى.
