Búgin, 19 cáýirde fýtboldan Premer-liga komandalary arasyndaǵy el birinshiliginiń altynshy týry máresine jetti, dep habarlaidy "Ult aqparat".
Atalǵan týrdyń ekinshi kúninde tórt oiyn ótkizildi. Alǵashqy oiynda Taldyqorǵannyń «Jetisýy» óz alańynda Shymkenttiń «Ordabasy» klýbyna 0:4 esebimen jol berdi. Oiyn barysynda shymkenttik komandadan Aleksandr Simchevich 27, Elhan Astanov 57, Joao Paolo 60, Mirzad Mehanovich 94-minýttarda gol soqty.
Syrt alańda Qaraǵandynyń «Shahteri» «Aqtóbeni» 3:0 esebimen tas-talqan etip jeńdi. Bul joly qaraǵandylyq klýb sapynan Arsen Hýbýlov 5, 23, Aidos Táttibaev 73-minýttarda mergendik tanytty.
Túrkistanda «Turan» Aqtaýdyń «Kaspii» klýbymen 2:2 esebimen teń tústi. Oiyn barysynda alań ieleri qatarynan Nkobi Chisom Stenli 60, 67-minýttarda gol soqsa, «Kaspii» sapynan Arman Núsip 31, David Karaev 84-minýttarda qaqpany dál kózdedi.
Dál osyndai esep Almaty qalasynda «Qairat» pen Qostanaidyń «Tobyl» komandalary arasynda tirkeldi. Alań ielerinen Hose Kante 20, 67-minýttarda qos goldyń avtory atandy. Oǵan qostanailyq klýbtan Azat Nurǵaliev 3, Nemania Nikolich 70-minýttarda kózdegen nysanadan múlt ketken joq.
Esterińizge sala ketelik, 18 sáýirde óz alańynda «Astana» «Qyzyljardy» 3:1, «Taraz» «Aqjaiyqty» 1:0 esebimen jeńdi. Al «Qaisar» men «Atyraý» oiynynda 1:1 esebi tirkeldi.
Jetinshi týr oiyndary 23 jáne 24 sáýir kúnderi ótkiziledi.
