فۋتبولدان قازاقستان بٸرٸنشٸلٸگٸ: «قايرات» پەن «توبىل» تەڭ تٷستٸ

بٷگٸن, 19 cەۋٸردە فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ التىنشى تۋرى مەرەسٸنە جەتتٸ, دەپ حابارلايدى "ۇلت اقپارات".

اتالعان تۋردىڭ ەكٸنشٸ كٷنٸندە تٶرت ويىن ٶتكٸزٸلدٸ. العاشقى ويىندا تالدىقورعاننىڭ «جەتٸسۋى» ٶز الاڭىندا شىمكەنتتٸڭ «ورداباسى» كلۋبىنا 0:4 ەسەبٸمەن جول بەردٸ. ويىن بارىسىندا شىمكەنتتٸك كوماندادان الەكساندر سيمچەۆيچ 27, ەلحان استانوۆ 57, جواو پاولو 60, ميرزاد مەحانوۆيچ 94-مينۋتتاردا گول سوقتى. 

سىرت الاڭدا قاراعاندىنىڭ «شاحتەرٸ» «اقتٶبەنٸ» 3:0 ەسەبٸمەن تاس-تالقان ەتٸپ جەڭدٸ. بۇل جولى قاراعاندىلىق كلۋب ساپىنان ارسەن حۋبۋلوۆ 5, 23, ايدوس تەتتٸباەۆ 73-مينۋتتاردا مەرگەندٸك تانىتتى. 

تٷركٸستاندا «تۇران» اقتاۋدىڭ «كاسپيي» كلۋبىمەن 2:2 ەسەبٸمەن تەڭ تٷستٸ. ويىن بارىسىندا الاڭ يەلەرٸ قاتارىنان نكوبي چيسوم ستەنلي 60, 67-مينۋتتاردا گول سوقسا, «كاسپيي» ساپىنان ارمان نٷسٸپ 31, داۆيد كاراەۆ 84-مينۋتتاردا قاقپانى دەل كٶزدەدٸ. 

دەل وسىنداي ەسەپ الماتى قالاسىندا «قايرات» پەن قوستانايدىڭ «توبىل» كوماندالارى اراسىندا تٸركەلدٸ. الاڭ يەلەرٸنەن حوسە كانتە 20, 67-مينۋتتاردا قوس گولدىڭ اۆتورى اتاندى. وعان قوستانايلىق كلۋبتان ازات نۇرعاليەۆ 3, نەمانيا نيكوليچ 70-مينۋتتاردا كٶزدەگەن نىسانادان مٷلت كەتكەن جوق. 

ەستەرٸڭٸزگە سالا كەتەلٸك, 18 سەۋٸردە ٶز الاڭىندا «استانا» «قىزىلجاردى» 3:1, «تاراز» «اقجايىقتى» 1:0 ەسەبٸمەن جەڭدٸ. ال «قايسار» مەن «اتىراۋ» ويىنىندا 1:1 ەسەبٸ تٸركەلدٸ.

جەتٸنشٸ تۋر ويىندارى 23 جەنە 24 سەۋٸر كٷندەرٸ ٶتكٸزٸلەدٸ.