Búgin, 29 shildede UEFA Eýropa ligasy úshinshi irikteý satysynda qazaqstandyq «Qairat» óz alańynda Armeniianyń «Alashkert» komandasymen kezdesedi, dep habarlaidy "Ult aqparat".
Atalǵan kezdesý Almaty qalasyndaǵy ortalyq stadionda ótkiziledi. Kezdesý elorda ýaqytymen saǵat 20:00-de bastalyp, Qazsport telearnasynan tikelei efirde kórsetiledi.
Kezdesý barysynda Belarýskelinen kelgen Aleksei Kýlbakov bas tóreshi qyzmetin atqarady. Oǵan Dmitrii Jýk pen Oleg Maslianko kómekshilik jasaidy. Qosalqy tóreshi de - sol eldiń ókili Dmitrii Dmitriev.
«Alashkert» komandasy 1990 jyly qurylǵan. Armeniia birinshiliginde tórt márte chempion atanǵan. Eýrokýbok oiyndarynda 2015 jyldan beri óz eliniń namysyn qorǵap keledi. Sol jyly Eýropa ligasy ekinshi irikteý satysynda «Qairatpen» kezdesti. Óz alańynda qazaqstandyq klýb 3:0 esebimen jeńse, syrt alańda 1:2 esebimen ese jiberdi.
«Alashkert» quramynda negizinen armeniialyq fýtbolshylar oiyn kórsetedi. Sondai-aq, braziliialyq, ýkrainalyq, namibiialyq, serbiialyq, reseilikter komandada oinaidy.
Eki komanda da biylǵy eýrokýbokty Chempiondar ligasynda bastaǵan bolatyn.
Almatylyq komanda birinshi irikteý satysynda Izraildiń «Makkabi» (Haifa) komandasyn (2:0, 1:1) orta jolda qaldyryp ketti. Al «Tsrvena Zvezda» ekinshi irikteý satysyna joldama alǵan.
Odan keiin Serbiianyń «Tsrvena Zvezda» komandasyna (2:1, 0:5) ese jiberip qoidy.
Al «Alashkert» aldymen Ýelstiń «Konnas-Ki Nomads» klýbyn (2:2, 0:0. overtaimda 3:2) qapy qaldyryp, odan keiin Moldovanyń
«Sherif» (0:1, 1:3) komandasyna ese jiberdi.
