بٷگٸن, 29 شٸلدەدە UEFA ەۋروپا ليگاسى ٷشٸنشٸ ٸرٸكتەۋ ساتىسىندا قازاقستاندىق «قايرات» ٶز الاڭىندا ارمەنييانىڭ «الاشكەرت» كومانداسىمەن كەزدەسەدٸ, دەپ حابارلايدى "ۇلت اقپارات".
اتالعان كەزدەسۋ الماتى قالاسىنداعى ورتالىق ستاديوندا ٶتكٸزٸلەدٸ. كەزدەسۋ ەلوردا ۋاقىتىمەن ساعات 20:00-دە باستالىپ, Qazsport تەلەارناسىنان تٸكەلەي ەفيردە كٶرسەتٸلەدٸ.
كەزدەسۋ بارىسىندا بەلارۋسكەلٸنەن كەلگەن الەكسەي كۋلباكوۆ باس تٶرەشٸ قىزمەتٸن اتقارادى. وعان دميتريي جۋك پەن ولەگ ماسليانكو كٶمەكشٸلٸك جاسايدى. قوسالقى تٶرەشٸ دە - سول ەلدٸڭ ٶكٸلٸ دميتريي دميتريەۆ.
«الاشكەرت» كومانداسى 1990 جىلى قۇرىلعان. ارمەنييا بٸرٸنشٸلٸگٸندە تٶرت مەرتە چەمپيون اتانعان. ەۋروكۋبوك ويىندارىندا 2015 جىلدان بەرٸ ٶز ەلٸنٸڭ نامىسىن قورعاپ كەلەدٸ. سول جىلى ەۋروپا ليگاسى ەكٸنشٸ ٸرٸكتەۋ ساتىسىندا «قايراتپەن» كەزدەستٸ. ٶز الاڭىندا قازاقستاندىق كلۋب 3:0 ەسەبٸمەن جەڭسە, سىرت الاڭدا 1:2 ەسەبٸمەن ەسە جٸبەردٸ.
«الاشكەرت» قۇرامىندا نەگٸزٸنەن ارمەنييالىق فۋتبولشىلار ويىن كٶرسەتەدٸ. سونداي-اق, برازيلييالىق, ۋكراينالىق, ناميبييالىق, سەربييالىق, رەسەيلٸكتەر كوماندادا وينايدى.
ەكٸ كوماندا دا بيىلعى ەۋروكۋبوكتى چەمپيوندار ليگاسىندا باستاعان بولاتىن.
الماتىلىق كوماندا بٸرٸنشٸ ٸرٸكتەۋ ساتىسىندا يزرايلدٸڭ «ماككابي» (حايفا) كومانداسىن (2:0, 1:1) ورتا جولدا قالدىرىپ كەتتٸ. ال «تسرۆەنا زۆەزدا» ەكٸنشٸ ٸرٸكتەۋ ساتىسىنا جولداما العان.
ودان كەيٸن سەربييانىڭ «تسرۆەنا زۆەزدا» كومانداسىنا (2:1, 0:5) ەسە جٸبەرٸپ قويدى.
ال «الاشكەرت» الدىمەن ۋەلستٸڭ «كونناس-كي نومادس» كلۋبىن (2:2, 0:0. وۆەرتايمدا 3:2) قاپى قالدىرىپ, ودان كەيٸن مولدوۆانىڭ
«شەريف» (0:1, 1:3) كومانداسىنا ەسە جٸبەردٸ.
