Fýtboldan Eýropa chempionatynyń finalyna Italiia quramasy alǵashqy joldamany aldy, dep habarlaidy "Ult aqparat".
Eki qurama buǵan deiin 38 márte kezdesti. Onyń 11-de italiialyqtar jeńiske jetip, 12-de ispandyqtar basym túsip, qalǵanynda teń nátije tirkeldi.
Aita keterligi, budan buryn Italiia tórt márte jartylai finalǵa shyqqan. Nátijesinde 1968 jyly chempion atansa, 1988 jyly «qolaǵa» qol sozdy. Al 2000, 2012 jyldary kúmis júldeger atandy.
Ispaniialyq qurama qurlyqtyq dodada 1964, 2008, 2012 jyldary úsh márte altyn medal aldy.
Búgingi kezdesýde qos qurama terezesi teń deńgeide oiyn kórsetti. Nátijesinde oiynnyń negizgi kezeńinde 1:1 esebi tirkeldi. Italiia sapynan Federiko Keza 60-minýtta esep ashsa, 80-minýtta ispaniialyq Alvaro Morata tarazy basyn teńestirdi. Osylaisha oiyn overtaimǵa ulasty.
Overtaimda da jeńimpaz anyqtalǵan joq. Penalti tebýde Italiia joly bolyp, finalǵa joldama aldy.
Endi búgin, 7 shildede jartylai finalda Angliia men Daniia quramalary sheberlik baiqasady.
Final 11 shildede Angliianyń London qalasyndaǵy «Ýembli» stadionynda ótkiziledi.
Eske salaiyq, qurlyqtyq doda on altynshy márte ótkizilip otyr. Kári qurlyqta 1960 jyly alǵashqy Eýropa birinshiligi uiymdastyryldy. Oiyndar dúbirli doda tarihynda tuńǵysh ret Eýropanyń 10 memleketinde ornalasqan 11 stadionda ótkizilýde. Bul dúbirli dodanyń 60 jyldyq mereitoiyna orai uiymdastyrylǵan. Biylǵy birinshilikte barlyǵy 24 qurama synǵa tústi.
