فۋتبولدان ەۋروپا چەمپيوناتىنىڭ فينالىنا يتالييا قۇراماسى العاشقى جولدامانى الدى, دەپ حابارلايدى "ۇلت اقپارات".
ەكٸ قۇراما بۇعان دەيٸن 38 مەرتە كەزدەستٸ. ونىڭ 11-دە يتالييالىقتار جەڭٸسكە جەتٸپ, 12-دە يسپاندىقتار باسىم تٷسٸپ, قالعانىندا تەڭ نەتيجە تٸركەلدٸ.
ايتا كەتەرلٸگٸ, بۇدان بۇرىن يتالييا تٶرت مەرتە جارتىلاي فينالعا شىققان. نەتيجەسٸندە 1968 جىلى چەمپيون اتانسا, 1988 جىلى «قولاعا» قول سوزدى. ال 2000, 2012 جىلدارى كٷمٸس جٷلدەگەر اتاندى.
يسپانييالىق قۇراما قۇرلىقتىق دودادا 1964, 2008, 2012 جىلدارى ٷش مەرتە التىن مەدال الدى.
بٷگٸنگٸ كەزدەسۋدە قوس قۇراما تەرەزەسٸ تەڭ دەڭگەيدە ويىن كٶرسەتتٸ. نەتيجەسٸندە ويىننىڭ نەگٸزگٸ كەزەڭٸندە 1:1 ەسەبٸ تٸركەلدٸ. يتالييا ساپىنان فەدەريكو كەزا 60-مينۋتتا ەسەپ اشسا, 80-مينۋتتا يسپانييالىق الۆارو موراتا تارازى باسىن تەڭەستٸردٸ. وسىلايشا ويىن وۆەرتايمعا ۇلاستى.
وۆەرتايمدا دا جەڭٸمپاز انىقتالعان جوق. پەنالتي تەبۋدە يتالييا جولى بولىپ, فينالعا جولداما الدى.
ەندٸ بٷگٸن, 7 شٸلدەدە جارتىلاي فينالدا انگلييا مەن دانييا قۇرامالارى شەبەرلٸك بايقاسادى.
فينال 11 شٸلدەدە انگلييانىڭ لوندون قالاسىنداعى «ۋەمبلي» ستاديونىندا ٶتكٸزٸلەدٸ.
ەسكە سالايىق, قۇرلىقتىق دودا ون التىنشى مەرتە ٶتكٸزٸلٸپ وتىر. كەرٸ قۇرلىقتا 1960 جىلى العاشقى ەۋروپا بٸرٸنشٸلٸگٸ ۇيىمداستىرىلدى. ويىندار دٷبٸرلٸ دودا تاريحىندا تۇڭعىش رەت ەۋروپانىڭ 10 مەملەكەتٸندە ورنالاسقان 11 ستاديوندا ٶتكٸزٸلۋدە. بۇل دٷبٸرلٸ دودانىڭ 60 جىلدىق مەرەيتويىنا وراي ۇيىمداستىرىلعان. بيىلعى بٸرٸنشٸلٸكتە بارلىعى 24 قۇراما سىنعا تٷستٸ.
