Fýtboldan biylǵy Qazaqstan birinshiliginiń kúntizbesi jariialandy, dep habarlaidy "Ult aqparat".
Bul jóninde Qazaqstan kásipqoi fýtbol ligasy habarlady.
Esterińizge sala ketelik, dop dodasy 2 naýryzda Qazaqstan sýperkýbogy oiyndarymen bastalady. Bul týrnirde Almatynyń «Qairat», Qostanaidyń «Tobyl», elordanyń «Astana» jáne Qaraǵandynyń «Shahter» komandalary synǵa túsedi. Final 6 naýryzda oinalady.
Qazaqstan birinshiliginiń alǵashqy týry 13 jáne 14 naýryz kúnderi bolady. Aldymen 13 naýryzda «Qairat» (Almaty) men «Jetisý» (Taldyqorǵan), «Arys» (Túrkistan oblysy) pen «Astana» (Nur-Sultan), «Atyraý» men «Shahter» (Qaraǵandy) jasyl alańǵa shyǵady.
Al, 14 naýryzda «Qaisar» (Qyzylorda) men «Taraz», «Kaspii» (Aqtaý) men «Aqtóbe», «Tobyl» (Qostanai) men «Aqjaiyq» (Oral), «Ordabasy» (Shymkent) men «Qyzyljar» (Petropavl) komandalary sheberlik baiqasady.
Dop dodasy eki ainalym boiynsha ótkiziledi. Sońǵy týr 30 qazanda ótedi.
