Fýtboldan premer-liga komandalary arasyndaǵy el birinshiliginiń 16-týry máresine jetti, dep habarlaidy QazAqparat.
Atalǵan týrdy Shymkentte jergilikti «Ordabasy» men Aqtaýdyń «Kaspii» komandalary túiindedi.
Oiyn barysynda alań ieleri qatarynan Vsevolod Sadovskoi 20, Elhan Astanov 31, Mýrodjon Halmatov 80, 87-minýttarda mergendik tanytty. Oǵan «Kaspii» sapynan 77-minýtta Rýan Telesh penaltiden soǵylǵan bir golmen jaýap berdi.
Osylaisha, «Ordabasy» qarsylasynan 4:1 esebimen basym túsip, týrnir kestesinde ekinshi orynǵa kóterildi.
Almatyda «Qairat» Oraldyń «Aqjaiyǵynan» 2:0 esebimen basym tússe, taǵy bir kezdesýde Pavlodar oblysynyń «Aqsýy» Petropavldyń «Qyzyljaryn» 1:0 esebimen súrindirdi.
Aita ketsek, Qostanaidyń «Tobyly» Túrkistanda «Turanmen» 2:2, «Atyraý» men «Taraz» 0:0 esebimen teń tústi.
Al, «Aqtóbe» syrt alańda Qaraǵandynyń «Shahterin» 3:2, elordalyq «Astana» óz alańynda Túrkistan oblysynyń «Maqtaaralyn» 4:0 esebimen jeńdi.
