فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ 16-تۋرى مەرەسٸنە جەتتٸ, دەپ حابارلايدى قازاقپارات.
اتالعان تۋردى شىمكەنتتە جەرگٸلٸكتٸ «ورداباسى» مەن اقتاۋدىڭ «كاسپيي» كوماندالارى تٷيٸندەدٸ.
ويىن بارىسىندا الاڭ يەلەرٸ قاتارىنان ۆسەۆولود سادوۆسكوي 20, ەلحان استانوۆ 31, مۋرودجون حالماتوۆ 80, 87-مينۋتتاردا مەرگەندٸك تانىتتى. وعان «كاسپيي» ساپىنان 77-مينۋتتا رۋان تەلەش پەنالتيدەن سوعىلعان بٸر گولمەن جاۋاپ بەردٸ.
وسىلايشا, «ورداباسى» قارسىلاسىنان 4:1 ەسەبٸمەن باسىم تٷسٸپ, تۋرنير كەستەسٸندە ەكٸنشٸ ورىنعا كٶتەرٸلدٸ.
الماتىدا «قايرات» ورالدىڭ «اقجايىعىنان» 2:0 ەسەبٸمەن باسىم تٷسسە, تاعى بٸر كەزدەسۋدە پاۆلودار وبلىسىنىڭ «اقسۋى» پەتروپاۆلدىڭ «قىزىلجارىن» 1:0 ەسەبٸمەن سٷرٸندٸردٸ.
ايتا كەتسەك, قوستانايدىڭ «توبىلى» تٷركٸستاندا «تۇرانمەن» 2:2, «اتىراۋ» مەن «تاراز» 0:0 ەسەبٸمەن تەڭ تٷستٸ.
ال, «اقتٶبە» سىرت الاڭدا قاراعاندىنىڭ «شاحتەرٸن» 3:2, ەلوردالىق «استانا» ٶز الاڭىندا تٷركٸستان وبلىسىنىڭ «ماقتاارالىن» 4:0 ەسەبٸمەن جەڭدٸ.
