Búgin, 27 sáýirde UEFA Chempiondar ligasynyń jartylai finalynda bir oiyn ótedi, dep habarlaidy "Ult aqparat".
Bul joly «Real Madrid» (Ispaniia) pen «Chelsi» (Angliia) komandalary kezdesedi.
Oiyn elorda ýaqytymen 00.50-de bastalyp, «Qazaqstan» jáne «Qazsport» telearnalarynan tikelei efirde kórsetiledi.
Shirek finalda «Real Madrid» Angliianyń «Liverpýlin», «Chelsi» Portýgaliianyń «Portýyn» orta jolda qaldyryp ketti.
Eki quramada da jaraqat alǵan fýtbolshylar bar. Ispaniialyq klýbta Federiko Valverde, Ferlan Mendi, Serhio Ramos, Lýkas Vaskes pen Toni Kroos, aǵylshyn komandasynan Mateo Kovachich jasyl alańǵa shyǵýdan tys qaldy.
Kezdesýge niderlandiialyq Danni Makkeli bas qazy bolady. Oǵan otandastary Hessel Stegstra pen Ian de Vris kómekshilik etedi. Qosalqy tóreshi - izraildik Orel Grinfild.
Eki komanda buǵan deiin atalǵan týrnirde kezdesip kórgen emes. 2016 jyly ótken Halyqaralyq chempiondar kýbogynda «Real Madrid» 3:2 esebimen basym túsken edi.
