Fýtboldan 2022 jylǵy álem chempionatynyń finaldyq satysyna joldama alǵan 29 qurama anyqtaldy, dep habarlaidy QazAqparat.
Álem chempionatyna taǵy eki joldamaǵa Soltústik Amerikadan Meksika men AQSh quramalary qol jetkizdi. Odan buryn mundai múmkindikke Kanada quramasy ie bolǵan edi.
Eske salsaq, buǵan deiin olardan basqa 26 qurama joldama alyp úlgergen edi. Olardyń qatarynda alań iesi – Katar, Eýropa elderinen – Germaniia, Daniia, Frantsiia, Belgiia, Horvatiia, Ispaniia, Serbiia, Angliia, Shveitsariia, Niderlandy, Portýgaliia, Polsha, Ońtústik Amerikadan – Braziliia, Argentina, Ýrýgvai, Ekvador, Aziia memleketterinen – Iran, Ońtústik Koreia, Japoniia, Saýd Arabiiasy, Afrikadan Kamerýn, Marokko, Týnis, Gana, Senegal quramalary bar.
Eýropa qurlyǵynda álem chempinaty ótpeli saiysynda bir oiynmen Shotlandiia men Ýkraina jeńimpazy anyqtalady. Kezdesý shamamen maýsym aiyna belgilengen. Jeńimpazy sol aida Ýelspen taǵy bir joldamany sarapqa salady.
Al Ońtústik Amerika, Aziia, Soltústik Amerika jáne muhit aimaǵynan tórt qurama qurlyqaralyq ótpeli saiysta taǵy eki joldamaǵa talasady.
Álem chempionatynyń finaldyq satysynyń jerebesi 1 sáýirde Katar astanasy – Doha qalasynda ótedi. ol elorda ýaqytymen 22.00-de «Qazsport» telearnasynan tikelei efirde kórsetiledi.
Dúbirli doda biylǵy jyldyń 21 qarashasy men 8 jeltoqsany aralyǵynda Katarda bolady.
