Búgin fýtboldan 2022 jylǵy álem chempionatyna Eýropadan tikelei joldama alǵan quramalar tolyqtai belgili boldy, dep habarlaidy QazAqparat.
Eýropa qurlyǵynda 16 qarashada álem chempionatyna irikteý kezeńiniń toptyq satysy máresine jetti.
Qazaqstan quramasy baq synaǵan D tobynda syrt alańda Frantsiia Finliandiiany, Ýkraina Bosniia jáne Gertsogovinany 2:0 esebimen basym tústi. Atalǵan topta Frantsiia 15 upai enshilese, Ýkrainada 12 upai bar. Al Finliandiia 12, Bosniia jáne Gertsogovina 7 upaidy mise tutsa, Qazaqstan 3 upai aldy.
Al E tobynda Belgiia Ýelspen 1:1 esebimen teń tússe, Chehiia Latviiany 2:0 esebimen jeńdi.
Sondai-aq, G tobynda Niderlandy Norvegiiany 2:0, Túrkiia Chernogoriiany 2:1 esebimen tize búktirdi. Alǵashqy eki oryn Niderland pen Túrkiiaǵa buiyrdy.
Jarys erejesi boiynsha árbir toptan birinshi oryn alǵan quramalar dúbirli dodaǵa tikelei joldama aldy. Aita keterligi, Germaniia men Daniia mundai múmkindikke qazan aiynda qol jetkizip qoiǵan bolatyn. Al qarasha aiynda olardyń qataryna Frantsiia, Belgiia, Horvatiia, Ispaniia, Serbiia, Angliia, Shveitsariia qosyldy. Olardyń qataryn eń sońynan Niderland tolyqtyrdy.
Sondai-aq, álem chempionaty finaldyq satysynda alań qojaiyny - Qatar eli baq synaidy. Al Ońtústik Amerikadan Braziliia birneshe týr buryn dúbirli dodaǵa qatysatyny belgili boldy.
Eýropa qurlyǵynda árbir topta ekinshi oryn alǵan jáne Ulttar ligasynda úzdik kórsetkishke ie bolǵan eki qurama qosymsha úsh joldamany sarapqa salady. Qazir mundai múmkindikke irikteý kezeńinde óz toptarynda ekinshi oryn alǵan Portýgaliia, Shvetsiia, Italiia, Ýkraina, Ýels, Shotlandiia, Túrkiia, Resei, Polsha, Soltústik Makedoniia men Ulttar ligasynan Aýstriia men Chehiia qol jetkizdi. Jarystyń atalǵan satysynyń jerebesi biylǵy jyldyń 26 qarashasynda tartylady.
Árbir toptyń jeńimpazy álem chempionaty finaldyq satysyna joldama alady.
