Qostanaidyń «Tobyly» eki fýtbolshymen kelisim-shart jasasty, dep habarlaidy "Ult aqparat" klýbtyń baspasóz qyzmetine silteme jasap.
Gvineia-Bisaý ulttyq quramasynyń jartylai qorǵaýshysy Toni Silva jańa maýsymda «Tobyldyń» namysyn qorǵaidy.
Aita ketý kerek, Toni Silvanyń portýgaldyq pasporty da bar. Basqa elde tursa da, Portýgaliiada jastyq shaǵyn ótkizdi. 2015-2016 jyldary ulttyq chempionatta óner kórsetti. «Ýnio Madeiro» komandasy úshin 14 match ótkizip, úsh gol soqty.
«Ol 2009 jyly Angliiaǵa qonys aýdardy, «Chelsi», «Liverpýl» jastar komandalarynda, sondai-aq «Barnsli» jáne «Dagenhem» quramynda oinady. 2020 jylǵa deiin Toni Grekiia, Gvineia-Bisaý, Bolgariia, Túrkiia, Saýd Arabiiasy klýbtarynda óner kórsetti. Ótken jyly jartylai qorǵaýshy «Tarazben» kelisimshartqa qol qoidy. Debiýttik maýsymynda jambyldyqtar sapynda 17 matchta 4 gol soqty. Halyqaralyq deńgeide Silva Portýgaliianyń jasóspirimder quramasynda óner kórsetti, biraq keiin Gvineia-Bisaý quramasyn tańdady. Ulttyq quramadaǵy 11 oiynda ol eki gol soqty», delingen klýb aqparatynda.
«Tobyl» Grýziia quramasynyń shabýylshysy Elgýdja Lobjanidzemen tolyqty. Elgýdja – «VIT-Djordjiia» (Grýziia) klýbynyń túlegi. Sonymen qatar, ol óz otanynda «Shýkýrý», «Dinamo», «Rýstavi» quramynda, 2017 jyly Reseide «Orenbýrg» sapynda óner kórsetti.
2019 jyldyń aqpan aiynda oiynshy «Tarazǵa» aýysty. Ótken maýsymda 28 jastaǵy oiynshy «Qaisar» jeidesinde 13 matchta 8 gol soqty. Ulttyq quramada 2017 jyly debiýt jasap, 11 match ótkizdi.
