قوستانايدىڭ «توبىلى» ەكٸ فۋتبولشىمەن كەلٸسٸم-شارت جاساستى, دەپ حابارلايدى "ۇلت اقپارات" كلۋبتىڭ باسپاسٶز قىزمەتٸنە سٸلتەمە جاساپ.
گۆينەيا-بيساۋ ۇلتتىق قۇراماسىنىڭ جارتىلاي قورعاۋشىسى توني سيلۆا جاڭا ماۋسىمدا «توبىلدىڭ» نامىسىن قورعايدى.
ايتا كەتۋ كەرەك, توني سيلۆانىڭ پورتۋگالدىق پاسپورتى دا بار. باسقا ەلدە تۇرسا دا, پورتۋگالييادا جاستىق شاعىن ٶتكٸزدٸ. 2015-2016 جىلدارى ۇلتتىق چەمپيوناتتا ٶنەر كٶرسەتتٸ. «ۋنيو مادەيرو» كومانداسى ٷشٸن 14 ماتچ ٶتكٸزٸپ, ٷش گول سوقتى.
«ول 2009 جىلى انگليياعا قونىس اۋداردى, «چەلسي», «ليۆەرپۋل» جاستار كوماندالارىندا, سونداي-اق «بارنسلي» جەنە «داگەنحەم» قۇرامىندا وينادى. 2020 جىلعا دەيٸن توني گرەكييا, گۆينەيا-بيساۋ, بولگارييا, تٷركييا, ساۋد ارابيياسى كلۋبتارىندا ٶنەر كٶرسەتتٸ. ٶتكەن جىلى جارتىلاي قورعاۋشى «تارازبەن» كەلٸسٸمشارتقا قول قويدى. دەبيۋتتٸك ماۋسىمىندا جامبىلدىقتار ساپىندا 17 ماتچتا 4 گول سوقتى. حالىقارالىق دەڭگەيدە سيلۆا پورتۋگالييانىڭ جاسٶسپٸرٸمدەر قۇراماسىندا ٶنەر كٶرسەتتٸ, بٸراق كەيٸن گۆينەيا-بيساۋ قۇراماسىن تاڭدادى. ۇلتتىق قۇراماداعى 11 ويىندا ول ەكٸ گول سوقتى», دەلٸنگەن كلۋب اقپاراتىندا.
«توبىل» گرۋزييا قۇراماسىنىڭ شابۋىلشىسى ەلگۋدجا لوبجانيدزەمەن تولىقتى. ەلگۋدجا – «ۆيت-دجوردجييا» (گرۋزييا) كلۋبىنىڭ تٷلەگٸ. سونىمەن قاتار, ول ٶز وتانىندا «شۋكۋرۋ», «دينامو», «رۋستاۆي» قۇرامىندا, 2017 جىلى رەسەيدە «ورەنبۋرگ» ساپىندا ٶنەر كٶرسەتتٸ.
2019 جىلدىڭ اقپان ايىندا ويىنشى «تارازعا» اۋىستى. ٶتكەن ماۋسىمدا 28 جاستاعى ويىنشى «قايسار» جەيدەسٸندە 13 ماتچتا 8 گول سوقتى. ۇلتتىق قۇرامادا 2017 جىلى دەبيۋت جاساپ, 11 ماتچ ٶتكٸزدٸ.
