Fýtboldan Sýperliganyń jobasy alty aǵylshyn komandasy shyqqannan keiin qaita qarastyrylady. Bul týraly uiymnyń baspasóz habarlamasyna silteme jasap Associated Press jýrnalisi Rob Harris Twitter-degi paraqshasynda jazdy.
Budan buryn «Arsenal», «Liverpýl», «Manchester Siti», «Manchester Iýnaited», «Tottenhem» jáne «Chelsidiń» Sýperligadan shyǵatyndyǵy týraly málim etilgen. Italiiandyq Sky Sport sport telearnasynyń jýrnalisi Fabritsio Romanonyń aqparatynsha, jaqyn arada osy eldiń «Milan» men «Inter» komandalary da Sýperligadan ketpek.
«Qazirgi jaǵdaidy eskere otyryp, jobany ózgertý boiynsha eń tiimdi qadamdardy qarastyrýymyz kerek, - delingen baspasóz habarlamasynda. – Qysym jasaýdyń saldarynan ketýge sheshim qabyldaǵan aǵylshyn klýbtarynyń málimdemesine qaramai, biz usynysymyzdyń eýropalyq zańnama men normativti aktilerge tolyǵymen sai keletinine senimdimiz».
Dúisenbi kúni Eýropanyń 12 myqty fýtbol klýby tamyz aiynda Sýperliga quratyndyqtary jaiynda josparlanǵanyn málimdegen edi. Bular – aǵylshyndyq «Manchester Iýnaited», «Manchester Siti», «Tottenhem», «Liverpýl», «Chelsi» jáne «Arsenal», ispandyq «Barselona», «Atletiko» jáne «Real», italiialyq «Milan», «Inter» jáne «Iýventýs». Olar jańa týrnirdiń qurýshy klýbtary qataryna kirdi.Sondai-aq keiinirek taǵy úsh klýb qosylatyny týraly da aitylǵan bolatyn.
Seisenbi kúni týrnirdiń negizin quraýshy klýbtar jinalyp, bul jaǵymsyz áreketten keiin dop dodasyn tarqatý máselesin talqylady.
Eýropa fýtbol odaǵy qaýymdastyǵy (ÝEFA), Angliia, Ispaniia jáne Italiianyń ulttyq fýtbol federatsiialary basshylyǵy jáne osy elder chempionaty Sýperliganyń qurylýyna qarsy shyqty. Olar bul klýbtardyń ulttyq týrnirler músheleri qatarynan shyǵarylatyny jáne aldaǵy ýaqytta ÝEFA atynan oinai almaityny jóninde málim etti.
