«Barselona» Ronaldý Kýmanýdyń ornyn basatyn jattyqtyrýshyny tapty. Juma kúni «Al-Sadd» Havidiń katalondyq komandanyń bas jattyqtyrýshysy bolyp taǵaiyndalǵanyn jariia etti, dep habarlaidy QazAqparat Eurosport-qa silteme jasap.
«Basshylyq kelisimshart tarmaǵynda kórsetilgen aqyny tólegennen keiin Havidiń «Barselonaǵa» kóshýine kelisti. Aldaǵy ýaqytta «Barselonamen» yntymaqtasýǵa kelistik. Havi «Al-Sadd» tarihynda mańyzdy oryn aldy, biz oǵan sáttilik tileimiz», – dep habarlaidy klýbtyń resmi Tvitteri.
Kelesi aptanyń basynda jańa jattyqtyrýshyny tanystyrady, al onyń jattyqtyrýshylyq debiýti 20 qarashada Katalon derbiinde «Espanol» klýbyna qarsy ótedi.
Aty ańyzǵa ainalǵan jattyqtyrýshynyń oralǵany 4 qarashada belgili boldy. Bastapqyda katarlyq «Al-Sadd» jattyqtyrýshyny jibergisi kelmegen. Óitkeni Havi olarǵa Katar-2020/21 chempionatynyń altynyn alýyna, eki Kýbokty jáne eldiń bir Sýperkýbogyn jeńýine kómektesken bolatyn. Biraq beisenbide Barselonanyń burynǵy kapitany Al-Saddtyń ókilderimen jeke kezdesip, máseleni óz paidasyna sheshken.
