Qazaqstan ulttyq quramasynyń oiynshysy Baktier Zainýtdinov máskeýlik TsSKA klýbynyń qazan aiyndaǵy úzdik gol avtory atandy, dep habarlaidy "Ult aqparat".
Atalmysh klýbtyń Twitter-degi paraqshasynda málim etilgenindei, B.Zainýtdinovty jankúierler Resei premer-ligasynda «Ýral» (Ekaterinbýrg) komandasymen ótken matchta soqqan goly úshin úzdik dep tanydy.
Qazirgi tańda TsSKA komandasy Resei chempionatynda 32 upaimen kósh bastap keledi. Jeksenbi kúni 15-týrda Máskeýde TsSKA «Sochi» komandasymen 1:1 esebimen teń oinady. Buǵan deiin jaraqat alyp qalǵan B.Zainýtdinov osy kezdesýdi tolyq ótkizip shyqty. Bul onyń máskeýlik klýb quramyndaǵy 11-inshi matchy edi.
Qazaqstan ulttyq quramasynda Baktier jartylai qorǵaýshy bolsa, TsSKA bapkerleri ony qorǵanys shebinde paidalanyp keledi.
