قازاقستان ۇلتتىق قۇراماسىنىڭ ويىنشىسى باكتيەر زاينۋتدينوۆ مەسكەۋلٸك تسسكا كلۋبىنىڭ قازان ايىنداعى ٷزدٸك گول اۆتورى اتاندى, دەپ حابارلايدى "ۇلت اقپارات".
اتالمىش كلۋبتىڭ Twitter-دەگٸ پاراقشاسىندا مەلٸم ەتٸلگەنٸندەي, ب.زاينۋتدينوۆتى جانكٷيەرلەر رەسەي پرەمەر-ليگاسىندا «ۋرال» (ەكاتەرينبۋرگ) كومانداسىمەن ٶتكەن ماتچتا سوققان گولى ٷشٸن ٷزدٸك دەپ تانىدى.
قازٸرگٸ تاڭدا تسسكا كومانداسى رەسەي چەمپيوناتىندا 32 ۇپايمەن كٶش باستاپ كەلەدٸ. جەكسەنبٸ كٷنٸ 15-تۋردا مەسكەۋدە تسسكا «سوچي» كومانداسىمەن 1:1 ەسەبٸمەن تەڭ وينادى. بۇعان دەيٸن جاراقات الىپ قالعان ب.زاينۋتدينوۆ وسى كەزدەسۋدٸ تولىق ٶتكٸزٸپ شىقتى. بۇل ونىڭ مەسكەۋلٸك كلۋب قۇرامىنداعى 11-ٸنشٸ ماتچى ەدٸ.
قازاقستان ۇلتتىق قۇراماسىندا باكتيەر جارتىلاي قورعاۋشى بولسا, تسسكا باپكەرلەرٸ ونى قورعانىس شەبٸندە پايدالانىپ كەلەدٸ.
