Fýtboldan 21 jasqa deiingi Qazaqstan jastar quramasy 2023 jylǵy Eýropa chempionaty irikteý kezeńinde besinshi oiynyn Shotlandiiaǵa qarsy ótkizdi, dep habarlaidy QazAqparat.
Atalǵan kezdesý Shotlandiianyń Dandi qalasynda ótkizildi. Esepti 28-minýtta alań ieleri qatarynan Liýis Fiorini ashty. Odan keiin 56-minýtta Glenn Middlton esepti ústemelei tústi.
Oǵan 71-minýtta qazaqstandyq Maksim Samorodov bir golmen jaýap qaiyrdy.
Eske salsaq, budan buryn qazaqstandyq jastar óz jáne syrt alańda Belgiiadan 1:3, 0:2 esebimen ese jiberdi.
Sondai-aq, óz alańynda Daniia men Túrkiiaǵa 0:1 esebimen ese jiberdi.
Endi qazaqstandyq jastar 2022 jyldyń 29 naýryzynda óz alańynda Shotlandiiamen qarymta oiyn ótkizse, 4, 10 maýsym kúnderi Daniia men Túrkiiamen jasyl alańǵa shyǵady. Qazaqstan jastary I topta synǵa túsedi. Bas bapkeri - qazaqstandyq maman Qairat Nurdáýletov. Dop dodasynyń irikteý kezeńi 2021 jyldyń naýryz aiynan 2022 jyldyń maýsymyna deiin ótedi.
