Búgin 21 jasqa deiingi jastar arasynda 2021 jylǵy Eýropa chempionatyna irikteý oiyndary ótti. Qazaqstan jastar quramasy óz alańynda Chernogoriiany qabyldady, dep habarlaidy "Ult aqparat".
Irikteý satysyn qazaqstandyq fýtbolshylar sátti bastaǵan edi. Aldymen syrt alańda Farer araldaryn 3:1, Chernogoriiany 2:1 esebimen súrindirdi. Odan keiin óz alańynda Ispaniiadan 0:1, Izrailden 1:2 esebimen jeńilip qaldy. Al besinshi kezdesýinde Soltústik Makedoniiamen 1:1 esebimen teń tarqasty.
Bes oiynnan keiin jastarymyz týrnir kestesinde 7 upaimen úshinshi orynda turǵan bolatyn. Búgingi kezdesýde basym tússe jaǵdaiyn jaqsartyp alar edi. Degenmen oiyn barysy basqasha órbidi.
Ekinshi kezeńde Chernogoriia sapynan Milýtin Osmaich 25, 68-minýttarda qos goldyń avtory atandy. Al 80-minýtta qarsylas komanda qatarynan Marko Rakoiants esepti ulǵaita tústi. 90-minýtta Iliia Výkotich qorytyndy esepti belgiledi. Osylaisha Qazaqstan jastary qarsylasyna 0:4 esebimen jeńilip qaldy.
Endi Qazaqstan jastar quramasy tórt oiyn ótkizedi. Aldymen, 8 qyrkúiekte syrt alańda Izrailmen sheberlik baiqasady. 8 qazanda óz alańynda Soltústik Makedoniiamen kezdesse, 13 qazanda syrt alańda Ispaniiamen jasyl alańǵa shyǵady. Sońǵy oiynynda 17 qarashada Farer araldaryn qabyldaidy.
Esterińizge sala ketelik, 21 jasqa deiingi jastar quramalary arasyndaǵy Eýropa chempionaty 2021 jyldyń 9-26 maýsym aralyǵynda Vengriia jáne Sloveniiada ótkiziledi. Onda barlyǵy 16 qurama baq synaidy.
