Qazaqstan ulttyq quramasynyń bas bapkeri Stanimir Stoilov ÝEFA-nyń Ulttar ligasynyń qazan aiyndaǵy oiyndaryna shaqyrylǵan fýtbolshylar tizimin jariia etti, dep habarlaidy "Ult aqparat".
Qazaqstan fýtbol federatsiiasynyń saitynan alynǵan málimetke qaraǵanda, quramaǵa 24 oiynshy kirdi.
Qaqpashylar: Nenad Erich («Astana»), Vladimir Plotnikov («Qairat»), Dmitrii Nepogodov («Tobyl»);
Qorǵaýshylar: Sergei Malyi, Evgenii Postnikov, Dmitrii Shomko, Abzal Beisebekov, Iýrii Logvinenko (bári de - «Astanadan»), Ǵafýrjan Súiimbaev, Ian Vorogovskii, Nuraly Álip (bári de - «Qairattan»);
Jartylai qorǵaýshylar: Islambek Qýat, Baýyrjan Islamhan, Magamed Paragýlgov, Georgii Jýkov (bári de - «Qairattan»), Baqtier Zainýtdinov, Serikjan Mujyqov (ekeýi de - «Astanadan»), Dýman Narzildaev («Qaisar»), Erkebulan Tunǵyshbaev («Ordabasy»), Maksim Fedin («Tobyl»);
Shabýylshylar: Aleksei Shetkin, Roman Murtazaev (ekeýi de - «Astanadan»), Baýyrjan Turysbek («Tobyl»), Erkebulan Seidahmet («Ýfa», Resei).
Qorǵaýshy Aleksandr Sokolenko («Qairat») rezervte.
Quramaǵa «Astanadan» 10, «Qairattan» 8 fýtbolshy engen.
Jańadan Qostanaidyń «Tobylynda» oinaityn shabýylshy Maksim Fedin ǵana shaqyrylǵan.
Aita keteiik, Ulttar ligasy aiasynda qazaqstandyqtar 13 qazan kúni Rigada Latviia quramasymen kezdesedi. Sodan keiin 16 qazan kúni «Astana Arena» stadionynda Andorra fýtbolshylaryn qabyldaidy. Elordadaǵy matchqa biletterdi www.ticketon.kz saitynan onlain túrinde de alýǵa bolady.
Stanimir Stoilovtyń shákirtteri 6 qyrkúiek kúni Astanada Ulttar ligasyndaǵy Grýziiamen alǵashqy oiynynda 0:2 esebimen ese jiberse, sodan soń syrt alańda Andorramen teń (1:1) tarqasqan bolatyn. Qazirgi kezde Qazaqstan quramasy D ligasynyń birinshi tobynda eń sońǵy orynda keledi.
