Fýtboldan Qazaqstan ulttyq quramasy naýryz aiynda Litvamen joldastyq kezdesý ótkizedi, – dep habarlaidy Qazaqstan fýtbol federatsiiasy.
Esterińizge sala ketelik, 2020 jyldyń 23-30 naýryz aralyǵynda ulttyq qurama Talǵar qalasynda oqý-jattyǵý jiynyn ótkizedi. Daiyndyq sharasy barysynda Almatyda eki joldastyq kezdesý ótkizý josparlanǵan. Aldymen 27 naýryzda Litvamen sheberlik baiqassa, 30 naýryzda Armeniiamen oinaidy.
Qazir Litva quramasyn 52 jastaǵy maman Valdas Ýrbonas jattyqtyrady. 2020 jylǵy Eýropa chempionaty irikteý kezeńinde atalmysh qurama V tobynda Ýkraina, Portýgaliia, Serbiia, Liýksembýrg quramalarymen oiyn kórsetti. FIFA-nyń sońǵy reitingi boiynsha 131 orynda tur. Al Qazaqstan atalmysh reitingte 118 orynda.
Eki qurama budan buryn bir márte kezdesti. 2014 jyldyń 5 naýryzynda Túrkiianyń Antaliia qalasynda ótken joldastyq kezdesýde 1:1 esebi tirkeldi.
