فۋتبولدان قازاقستان ۇلتتىق قۇراماسى ناۋرىز ايىندا ليتۆامەن جولداستىق كەزدەسۋ ٶتكٸزەدٸ, – دەپ حابارلايدى قازاقستان فۋتبول فەدەراتسيياسى.
ەستەرٸڭٸزگە سالا كەتەلٸك, 2020 جىلدىڭ 23-30 ناۋرىز ارالىعىندا ۇلتتىق قۇراما تالعار قالاسىندا وقۋ-جاتتىعۋ جيىنىن ٶتكٸزەدٸ. دايىندىق شاراسى بارىسىندا الماتىدا ەكٸ جولداستىق كەزدەسۋ ٶتكٸزۋ جوسپارلانعان. الدىمەن 27 ناۋرىزدا ليتۆامەن شەبەرلٸك بايقاسسا, 30 ناۋرىزدا ارمەنييامەن وينايدى.
قازٸر ليتۆا قۇراماسىن 52 جاستاعى مامان ۆالداس ۋربوناس جاتتىقتىرادى. 2020 جىلعى ەۋروپا چەمپيوناتى ٸرٸكتەۋ كەزەڭٸندە اتالمىش قۇراما ۆ توبىندا ۋكراينا, پورتۋگالييا, سەربييا, ليۋكسەمبۋرگ قۇرامالارىمەن ويىن كٶرسەتتٸ. FIFA-نىڭ سوڭعى رەيتينگٸ بويىنشا 131 ورىندا تۇر. ال قازاقستان اتالمىش رەيتينگتە 118 ورىندا.
ەكٸ قۇراما بۇدان بۇرىن بٸر مەرتە كەزدەستٸ. 2014 جىلدىڭ 5 ناۋرىزىندا تٷركييانىڭ انتالييا قالاسىندا ٶتكەن جولداستىق كەزدەسۋدە 1:1 ەسەبٸ تٸركەلدٸ.
