Fýtboldan Qazaqstan kýbogynyń finaly 6 qazan kúni Nur-sultan qalasyndaǵy «Astana-arena» stadionynda ótedi, dep habarlaidy "Ult aqparat".
finalda Qyzylordalyq «Qaisar» jáne Atyraýdyń «Atyraý» komandalary kezdesedi. Jartylai finalda «Qaisar» Qostanaidyń «Tobylyn» orta jolda qaldyrsa, «Atyraý» Shymkenttiń «Ordabasy» klýbyn tize búktirdi.
«Qaisar» komandasy 1999 jyly kýbokqa ie bolyp, ol joly Óskemenniń «Vostogynan» 2:1 esebimen basym tústi. 1998 jyly finalǵa deiin jetse, 2007 jyly jartylai finalda baq synady. Al «Atyraý» 2009 jyly kýbok iegeri atandy. Sol joly Qaraǵandynyń «Shahterin» 1:0 esebimen jeńgen bolatyn. Sońǵy eki jylda finalǵa deiin jetti. Sondai-aq, 2001, 2004 jáne 2005 jyldarda jartylai finalǵa shyǵa aldy.
Aita keteiik, osy ýaqytqa deiin Almatynyń «Qairaty» 9 márte Qazaqstan kýbogy iegeri atandy.
Odan keiingi oryndarda «Astana-1964» (burynǵy «Jeńis») pen «Astana» komandalarynda úsh-úshten kýbok bar. Al «Ertis», «Taraz», «Vostok», «Tobyl», «Aqtóbe», «Shahter», «Atyraý», «Qaisar», «Alma-Ata», «Ordabasy», «Dostyq», «Spartak» (Semei), SKIF-«Ordabasy» jáne «Qyzyljar» komandalary bir-bir márte jeńimpaz boldy.
