فۋتبولدان قازاقستان كۋبوگىنىڭ فينالى 6 قازان كٷنٸ نۇر-سۇلتان قالاسىنداعى «استانا-ارەنا» ستاديونىندا ٶتەدٸ, دەپ حابارلايدى "ۇلت اقپارات".
فينالدا قىزىلوردالىق «قايسار» جەنە اتىراۋدىڭ «اتىراۋ» كوماندالارى كەزدەسەدٸ. جارتىلاي فينالدا «قايسار» قوستانايدىڭ «توبىلىن» ورتا جولدا قالدىرسا, «اتىراۋ» شىمكەنتتٸڭ «ورداباسى» كلۋبىن تٸزە بٷكتٸردٸ.
«قايسار» كومانداسى 1999 جىلى كۋبوكقا يە بولىپ, ول جولى ٶسكەمەننٸڭ «ۆوستوگىنان» 2:1 ەسەبٸمەن باسىم تٷستٸ. 1998 جىلى فينالعا دەيٸن جەتسە, 2007 جىلى جارتىلاي فينالدا باق سىنادى. ال «اتىراۋ» 2009 جىلى كۋبوك يەگەرٸ اتاندى. سول جولى قاراعاندىنىڭ «شاحتەرٸن» 1:0 ەسەبٸمەن جەڭگەن بولاتىن. سوڭعى ەكٸ جىلدا فينالعا دەيٸن جەتتٸ. سونداي-اق, 2001, 2004 جەنە 2005 جىلداردا جارتىلاي فينالعا شىعا الدى.
ايتا كەتەيٸك, وسى ۋاقىتقا دەيٸن الماتىنىڭ «قايراتى» 9 مەرتە قازاقستان كۋبوگى يەگەرٸ اتاندى.
ودان كەيٸنگٸ ورىنداردا «استانا-1964» (بۇرىنعى «جەڭٸس») پەن «استانا» كوماندالارىندا ٷش-ٷشتەن كۋبوك بار. ال «ەرتٸس», «تاراز», «ۆوستوك», «توبىل», «اقتٶبە», «شاحتەر», «اتىراۋ», «قايسار», «الما-اتا», «ورداباسى», «دوستىق», «سپارتاك» (سەمەي), سكيف-«ورداباسى» جەنە «قىزىلجار» كوماندالارى بٸر-بٸر مەرتە جەڭٸمپاز بولدى.
