Almatylyq «Qairat» Túrkiiadaǵy oqý-jattyǵý jiyny barysynda Reseidiń «Rýbin» (Qazan) komandasynan basym tústi, dep habarlaidy "Ult aqparat".
Oiyn Túrkiianyń Belek qalasynda ótti. Almatylyq fýtbolshylar birinshi kezeńde úsh gol soqty. Aldymen 14-minýtta Abat Aiymbetov mergendik tanytsa, serbiialyq qorǵaýshy Rade Dýgalich 16, polshalyq jartylai qorǵaýshy Konrad Vjesinski 36-minýtta esepti ústemelei tústi.
Oǵan «Rýbin» oiynshylary ekinshi kezeńde eki golmen jaýap qaiyrdy. Olardyń qatarynan 75-minýtta grýzin jartylai qorǵaýshysy Zýriko Davitashvili penaltiden gol soqsa, 89-minýtta daniialyq jartylai qorǵaýshy Oliver Abildgor esep aiyrmayn qysqartty. Osylaisha «Qairat» qarsylasynan 3:2 esebimen basym tústi.
«Rýbin» 2008, 2009 jyldarda Resei chempiony atanǵan. Sondai-aq, 2003, 2010 jyldarda qola júldeger atandy. Qazir olar óz eliniń Premer-ligasynda qysqy úziliste 16 komanda arasynda 13 orynda tur.
