الماتىلىق «قايرات» تٷركيياداعى وقۋ-جاتتىعۋ جيىنى بارىسىندا رەسەيدٸڭ «رۋبين» (قازان) كومانداسىنان باسىم تٷستٸ, دەپ حابارلايدى "ۇلت اقپارات".
ويىن تٷركييانىڭ بەلەك قالاسىندا ٶتتٸ. الماتىلىق فۋتبولشىلار بٸرٸنشٸ كەزەڭدە ٷش گول سوقتى. الدىمەن 14-مينۋتتا ابات ايىمبەتوۆ مەرگەندٸك تانىتسا, سەربييالىق قورعاۋشى رادە دۋگاليچ 16, پولشالىق جارتىلاي قورعاۋشى كونراد ۆجەسينسكي 36-مينۋتتا ەسەپتٸ ٷستەمەلەي تٷستٸ.
وعان «رۋبين» ويىنشىلارى ەكٸنشٸ كەزەڭدە ەكٸ گولمەن جاۋاپ قايىردى. ولاردىڭ قاتارىنان 75-مينۋتتا گرۋزين جارتىلاي قورعاۋشىسى زۋريكو داۆيتاشۆيلي پەنالتيدەن گول سوقسا, 89-مينۋتتا دانييالىق جارتىلاي قورعاۋشى وليۆەر ابيلدگور ەسەپ ايىرماىن قىسقارتتى. وسىلايشا «قايرات» قارسىلاسىنان 3:2 ەسەبٸمەن باسىم تٷستٸ.
«رۋبين» 2008, 2009 جىلداردا رەسەي چەمپيونى اتانعان. سونداي-اق, 2003, 2010 جىلداردا قولا جٷلدەگەر اتاندى. قازٸر ولار ٶز ەلٸنٸڭ پرەمەر-ليگاسىندا قىسقى ٷزٸلٸستە 16 كوماندا اراسىندا 13 ورىندا تۇر.
